الثلاثاء، 8 مارس، 2011

منظومة في حب مصر

بسم الله الرحمن الرحيم


قال تعالى :يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ ﴿٢﴾ كَبُرَ مَقْتًا عِندَ اللَّـهِ أَن تَقُولُوا مَا لَا تَفْعَلُونَ ﴿٣﴾ إِنَّ اللَّـهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُم بُنْيَانٌ مَّرْصُوصٌ ﴿٤﴾ الصف




قال رسول الله صلى الله عليه وسلم


عن أبي موسى الأشعري رضي الله عنه قال: قال رسول الله صلى الله عليه وسلم : "المؤمن للمؤمن كالبنيان يَشُدُّ بعضُه بعضاً – وشبك بين أصابعه" متفق عليه.




الاخوة والأخوات

سلام الله عليكم ورحمته وبركاته

سعيدة إني مسيبتش مصر بعد سنين كنت بانوي إني أهاجر و

 أسيبها

 كل شوية وتيجي حاجه تمنعني من السفر

سبحان ربي


وسعيده قوي قوي بشبابنا شباب الثورة اللي لو فضلت طول عمري

 حاطاهم فوق راسي 

مش حوفيهم حقهم شباب اخدوا حقوقنا اللي نسيناها وتناسيناها

 30 سنة 

كاملين واحنا بالذل راضيين

الشباب داه مش من القاهرة وبس ..لا دول من كل مكان في مصر 

أجدع ناس

يارب يتمم نصره علينا 



إيجابية في كل مكان ويارب نفضل كده وبإيدينا نبني مصرنا


بس على أد الجمال اللي شفته لقيت حاجات بجد زعلتني

نحكي عن بعضها؟


عشرات الإيميلات والصفحات وتعليقات على الإنترنت 

والفيس بوك والبيوت

هي سالي زهران محجبة؟

هي سالي زهران انتحرت؟

هي سالي زهران كانت في التحرير والا سوهاج؟




أتمنى محدش يرد عندي ويقول الصورة فوتوشوب

دي بين إيدين ربنا يا عالم 

نتقي الله فيها

حد فينا يحب يلاقي الناس بتتكلم عن أخته اللي توفاها الله؟




نقطة تانيه كمان؟

هو وائل غنيم ماسوني؟

هو وائل غنيم أجندة أمريكاني؟

هو وائل غنيم صاحب جوجل تفتكروا حيحب مصر؟


يا جماعة داه وقته؟

البلد في عنق زجاجة ولازم نخرج منها سالمين غانمين 

بأقل أضرار ممكنة

البلد دي بلدنا كلنا



طيب إيه رأيكم كلمات من نور بتحب 

زبدة ومربى

كده بقى أنا أجندة إنجليزي؟

والموقع الطبي كان حيبعتلي إسورة بلاستيك

 مكتوب عليها حالتي المريضة والله اخت بتاعة وائل


كده بقى أجندة ماسونية؟

بجد إحنا محتاجين نشد شويه وناخد نقطة و من أول السطر

عايزين نكون زي ما قال الله تعالى في كتابه


كفايانا بقى تضييع وقت و تساؤلات و خوض في أعراض الناس


خلوا بالكم الشيطان بيوقعنا



الكل بيفتخر بينا مش لازم بقى نكون منظومة في حب مصر؟

كن إيجابي













أنا بحب مصر 


أنت بتحب مصر؟

إنتي بتحبي مصر؟

حبوا بقى مصر 





ساهم في نشر الموضوع و لك جزيل الشكر!



Digg Technorati del.icio.us Stumbleupon Reddit Facebook Twitter

احصل على هذه الإضافة

هناك 17 تعليقًا:

من كل بستان زهرة يقول...

ربنا يجازيكي كل الخير
والله عندك حق التفاهات دي الي الناس بصى عليها هي الي بتخلينا نرجع للوراء
وننشغل عن الهدف الحقيقي
انا مالي ومال وائل غنيم
هو حر في تفكيره المهم اننا اتفقنا معاه
على شئ واحد هو حب مصر
والعمل على صالحها
وسالي زهران ربنا يرحمها
هل كونها محجبه او غير
هيفيد بلدي دلوقتي بحاجه
شئ بينها وبين الله
وبعدين موضوع التخوين ده بقى منتشر جدا بين الناس
لو مش معايه تبقى عدوي
وده شئ هيخرب البلد

ربنا يكتب لبلدنا الخير
وتبقى احسن بلاد العالم

مدونة رحلة حياه يقول...

السلام عليكم
حمدا لله ع عودتك
وشكرا لك بساطة كلماتك وطرقها لبعض النقاط المهمة التى تدور حولنا
الاهم من كل ذلك ان نتكاتف من اجل مصر

فاروق سحير ( فاروق بن النيل ) يقول...

نــــــــــــــــــــــور.......
أنا جالى على الفيس بووك منذ حوالى شهر
صورة من أهل سالى زهران يطلبوا أن توضع بدلا من الصورة المتداولة ووضعتها عندى بقصيدة " إفرحى ياأم الشهيد" وطبعا أعداء الثورة كتير وفاضيين زى ماهمه كانوا كذلك وهايفين وماعندهومش حاجة غير الهيافة فلاتتلفتى حولك داحتى فى الفيس بووك فيه حاجات تجنن فيه ناس بيشتموا شتيمه وقحة لكل من أخرج مبارك من الحكم وكأنه فرض علينا للأبد وكأن تعذيبه للشعب والقهر والظلم والسرقة كان شيئا طبيعيا الحمد لله وماعلينا أن نلتفت خلفنا علينا بناء بلدنا ونظافتها داخليا وخارجيا ( زبالة خارجية وزبالة جوانا ) أخلاق خارجنا وأخلاق جوانا وشكرا لكى

دكـــــتور جدا يقول...

ماما نور
صحيح عندك حق في كل كلمة قولتيها
المفروض نبتعد عن التفاهات ونبني بلدنا بكل اخلاص

صيدلانيه طالعه نازله يقول...

الله عليكى حبيبتى
اتفق معاكى وبشده فى كل كلمه قلتيها
لازم نهتم بالامور المهمه و نسينا بقى من السفاسف و التفاهات

محمود(باحث عن حب) يقول...

ماما نور
كل صورك جميله
سيبك من سالى زهران
ومن وال غنيم
المهم اننا فرحانين باللى وصلناله
كان اقصى خيال لينا انه يمشى
اهو هيتحاكم
ومقرات امن الدوله خلاص مفيش ارهاب
لازم
نرتب انفسها من الداخخل
لازم سجون الاحلام تطلع
لازم الامل يرجع
لازم نتنفس هوا كويس
بالامل فى الله
والحريه والحب
هقتبس من ك الصور

شمس النهار يقول...

كلامك جميل

وعجبني كلامك عن سالي

مانسبها لربها هو اعلم بيها

ياريت نركز في ثورتنا ونجحها

ونحميها من امن دولة وخفافيش الحزب الوطني

تسلمي ياحبيبه

ماجد القاضي يقول...

السلام عليكم

أسجل إعجابي الشديد بفكرة الموضوع التي تحدثين من خلالها إلى التجمع، والإيجابية، التيقن، والتجاوز عن الصغائر..
وهي من أشد المبادئ التي نحتاجها في هذه المرحلة التي امتلأت بالشائعات والاتهامات..!!

والله ما صار دخولي للفيس بوك نادرا إلا من أجل كثرة مذل هذه الشائعات وتبادل الاتهامات والبذاءات..!

أعجبتني صور الحملات التي أدرجتيها..

أشكرك جزيلا على هذا البوست..
تحياتي وتقديري.

Dev Nasser يقول...

هما كمان كانوا يقولون ان الاخوان المسلمون عملاء امريكا وهما اللي يقودو الثورة ويريدون الاستيلاء على الحكم عن طريقها ..لكن العكس هو ما حدث ... صحيح الاخوان المسلمين كانوا في اول الثورة لكنهم لم يكونوا خونةولا عملاء هما كانوا ولا يزالون مسلمين مصريين
المسالة متشابهة جدا
هو نفس السناريو يتكرر
للاشارة انا اقول الذي اراه صحيحا .. وحتى الاخوان المسلمين ورغم اني اراهم على حق الا انني لست منهم ... لانني مغربي
ولكننا كلنا مع الثورة المصرية وان شاء الله تتحرر بقية بلداننا العربية من الحكام الفاسدين والانظمة الدكتاتورية التي تخصهم ابتداءا من المغربي في الغرب وحتى اخر وطن عربي في الشرق
تحياتي لكي اختي على مدونتك الجميلة والهادفة

سبايدرمان يقول...

هي زي ما حضرتك قولتي
الموضوع في (( ابدأ بنفسك ))
https://lh6.googleusercontent.com/-3uePNGX1eYg/TXXsGrK6WgI/AAAAAAAABos/oolOoItjnc4/s320/2_227_1527_56.jpg
لو كل واحد ابتدي بنفسه و بيته و اهله و الشارع الى شاكن فيه و المكان الى بيشتغل فيه ، و المواصلات الى بيركبها و صلح في الحاجات دي بس

هنبتدي كلنا نتغير و هنتغير الى الأفضل
ان شاء الله

Prince-Palestine يقول...

سلام عليكم


ربنا يقدر الخير لكل الدول العربية


لا يغير الله مابقوم الا اذا غيرو ما بأنفسهم

أبو حسام الدين يقول...

السلام عليكم
كلام منطقي وسليم
أعانكم الله ووفقكم

بــــ الخطاب ــن يقول...

جزاكى الله خيرا موضوع رائع
قال تعالى فى كتابه الكريم " إن جاءكم فاسق بنبأ فتبينوا أن تصيبوا قوما بجهاله فتصبحوا على ما فعلتم نادمين " صدق الله العظيم
ليس من حق أى منا أن يحاسب أحد على نواياه فوحده تعالى من يعلم ما فى القلوب
لابد لنا أن نحظر الشائعات لأنها ليست فى مصلحتنا ولا فى مصلحة بلدنا
ثورنا على ظلم وفساد وطغيان فلابد من إرساء معانى الديمقراطية والحرية والعدالة بأنفسنا قبل غيرنا
ولنحذر محاولات الفاشلين
ولننتبه للمتربصين بنا شرقا وغربا

يوميات شحات يقول...

جزاكي الله خيرا

رحيــقُ الضــوء يقول...

عزيزتي ... نور
بجد بارك الله فيكِ وجزاكِ كل الخير
أنتِ فعلاً طرحتي أكثر النقاط التي كثر اللغط والحديث حولها ...
وأعجبني أكثر الصور المرفقة فربّ صورة تعبر خيراً من ألف كلمه
كل الود ...

كلمات من نور يقول...

الأخوة والأخوات

دوما يسعدني تعليقكم على مدونتي و يسعد قلبي ما تسطرونه ....جزاكم الله خيرا

جيهان يقول...

رائعة أنت أختى الحبيبة كما عهدتك دوما , فى كل أفكارك , مشاعرك,كلماتك , عبرتى بسلاسة وتلقائية على موضوعات غاية فى الاهمية ووصل مضمون مااردتى لكل من مربصفحتك وقرأ كلمات ولمس صدق مابقلبك الابيض الرقيق خوفا على بلدنا الجميل وشعبنا الطيب .. دمتى بكل خير وعافية لكل من يعرفك ويحبك ويشتاق الى كلماتك التى هى بحق كلمات من نور .
جيهان غالى .