الأربعاء، 16 فبراير، 2011

حملة : أنا مصري وحاتغير

  بسم الله الرحمن الرحيم

حملة أنا مصري وحاتغير


قال تعالى  
 وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ  
سورة التوبة آية
105

وقال رسول الله صلى الله عليه وسلم : ( من دعا إلى هدى ،كان له من الأجر مث اجور من اتبعه ، لا ينقص ذلك من أجورهم شيئا )رواه مسلم




بعدما حدث في الاسابيع الماضية لابد لنا جميعا 

أن نقف كي ننظر ماذا وجدنا وسط  هذه الأحداث

أولا:شعب مصري أصيل ونسيج واحد مهما اختلفت وجهات النظر



ثانيا : شباب اتهم كثيرا بالفراغ والسفه ووو ولكنه 

أثبت لنا وللعالم أنه شباب يفهم ويعي جيدا

ثالثا :إرادة قوية تريد التغيير الجذري الشامل

ترفض كلما كان من غش ورشوة وكذب

 وتحايل على القانون وقهر وظلم وطغيان




إرادة تقول بملأ الفم:كفانا ثلاثون عاما من ضياع الكرامة



وبالفعل كانت النتيجة




نتيجة أبهرت العالم كله وجعلت مشاعرنا مختلطة


بكينا وضحكنا وزغردت أمهات الشهداء فرحة بدماء ابناؤهم الذكية 

التي كانت سببا لنصرنا 





بس دقايق معايا 

شايفين صور الشهداء؟

اكيد قرينا كتير عنهم وبكينا عليهم قوي

وكتير غنى لهم وحطوا اغاني مبكية عاليوتيوب

بس داه مش كفاية

لازم يفضلوا في قلوبنا علامة مميزة بتطلب مننا دايما


الإيجابية وطلب التغيير للأحسن


لازم بجد نتغير


لازم نعرف إننا بديننا و أخلاقنا ممكن نكون أحسن الأمم 

حتتغير يا مصري؟






أنا اتغيرت الأسابيع اللي فاتت

وبعدما كنت مصممة إني أخد أسرتي ونهاجر

باقول باعلى صوت

مش حهاجر

مش عايزة جنسية ليا ولأولادي إلا الجنسية 

المصرية




إيدي في إيدكم بقى يا سواعد مصرية

ويلا نبني مصر

كلنا لو نحب نحط البوست داه كحملة للتغير

ونبتدي منه أول لبنة

كل واحد فينا ينصحنا نتغير ازاي

ايه الصورة اللي تحب تشوف المصري عليها في كل مكان في

 مصر

في الشارع في مستشفى في المصنع في شركة

ايديكم بإيديا

ونقول

أنا مصري وحاتغير





================================


دي قصيدة لأخي محمد أحمد قرأتها على الفيس بوك عنده و أحب ان أضعها بين ايديكم




 محمد أحمد‏ 





ياثورة الشباب

ياثورة الكرامة

يابركان الغضب



قد زال الضباب

والطغيان من الخوف هرب



استوحش الفساد فيكي

حتى ظننت الخير ذهب



كنا نمر عليكي- يابلادي-

ونشغر بالغربة

والكل يعرف ما السبب



كنا نمر ونشعر بالأسى

وتئن قلوبنا من دون عتب



أخذوكي ياغاليةً من بين جفوننا

أخذوكي وتمادوا في اللعب



على جمر التغيير سرنا

ولم يستطيعوا اطفاء اللهب



فالان وقت التغيير وليسقط

النظام لاوقت للاصلاح والخطب



الان فاق شبابكِ وكسروا

حواجز قد متنتها الحقب



حقباً تناسوا فيها الحق

وأهانو كل ذي نسب



كمموا الأفواه والعقول

كممو الأفواه والعقول

واعتقلوا كل حرٍ كتب



ودنسوا المساجد والكنائس

وباعدوا بين كل مقترب



وطردوا -منك -كل من يحمل

في طياته العلوم والأدب



ياااااه على مرارة الأسى

وصبرنا على رويات فيها العجب



كان الظلم من حولنا – في كل مكان-

والأمل كان كبريق الشهب



فلابد للحياة يوما أن تعود

والعدل فيكي سينتصب



فما أثمن الحرية،

فحرية بلادي

لاتقدر بمال أوذهب



ياحلم بلادي،، ياحلم بلادي

قد عاد حلماً قد نُهب



فهيا لنزرع فيها الأحلام

قمحاً ونخيلاً وقصب



وليسدل التاريخ ستارا

ليعلن ان الشعب من كسب


===================




ملحوظة : هنا مش محتاجيين تعليقات


كل واحد على مدونتة يبتدي مع نفسه حملة التغيير 
ساهم في نشر الموضوع و لك جزيل الشكر!



Digg Technorati del.icio.us Stumbleupon Reddit Facebook Twitter

احصل على هذه الإضافة

هناك 21 تعليقًا:

مدونة رحلة حياه يقول...

السلام عليكم
انا عارف انك مش عاوزة تعليقات
انا نشرت الرابط عندى وشيرته على الفيس
يالا كلنا ايدنا بايد بعض نبنى بلدنا
اللى انتم محتاجين منى حاجة فيه قولوه
لو حد عنده مشكلة مالية او فى الضرايب او فى الشركات تأسيس او اسألة انا تحت امركم
اللى اقدر افيدكم فيه ابعتوه وانا هرد عليه
واى حاجة تانية

فاروق بن النيل يقول...

مدونة من نور ........
موش مطلوب مننا دلوقتى غير ننتظر حتى تستقر بلدنا بدستور ووزارة جديدة غير الموجودة ورئيس دولة جديد وحتى رئيس وزراء محترم وبعدين نعمل اللى إحنا متأملينه فى بلدنا لأن ربما لم تكتمل بعد ثورتنا إنتظرى شوية أفضل

حياتى نغم يقول...

السلام عليكم ورحمة الله وبركاته

قصيده جميله كلنا حاسينها
ودماء الشهداء بإذن الله مش ناسيينها .

أتمنى كل مصرى يكون متعاون ويحب الخير لغيره زى نفسه ويحب بلاده ويحافظ عليها وعلى كل مصرى فيها .

جزاكِ الله خيراً يا أم البنين وكل عام وانتِ وأسرتك بكل خير .

اللهم صلى وسلم وبارك على محمد وعلى آله وصحبه أجمعين .

محمد الجرايحى يقول...

السلام عليكم ورحمة الله وبركاته
مصر اليوم غير مصر الأمس..ومصر الغد غير مصر اليوم ...
التغيير بدأ وستدور عجلات الزمان بسرعة إلى ىفاق عالم جديد بسواعد هؤلاء الأبناء الذين أذهلوا العالم.
المصرى اليوم يشعر أن بلده مصر رجعت له وأصبحت بلده بحق وهذا أيضاً ماجعلك ترفضين السفر وتصرين على البقاء....
كلنا فدا مصر

نبع الغرام يقول...

جزاكى الله كل الخير حبيبتى

انا عارفه انك مش محتاجه تعليقات

بس جايا اقولك وحشتينى ياقلبى
وعلى فكره انا شفت القصيده واول حد علق عليها عند الاخ محمد

اسيره الاحزان يقول...

بالصدفه انا كنت بكتب فى صفحتى قبل ما اشوف الحمله ... اللى لازم اعمله للبلد من مكانى ومن وظيفتى ولاقيت ان انا اقدر اعمل حاجات كتير اوى للبلد مكنتش واخده بالى منها

زى ما فى شباب زى الورد ضحى بنفسه عشان البلد ... انا تحت ايدى اطفال هيبقوا ورد البلد بعد كام سنه وقررت ابدأ معاهم بدايه جديده مع بدايه الدراسه هعلمهم ازاى يحافظوا ويحبوا بلدهم ويشيلوها فى عنيهم

انا كمان عملت شير ونشرت الحمله يارب بجد نتغير

تحياتى

Tinker Bell يقول...

ان شاء الله كل مصرى يتغير للاحسن وتبقى مصر دائما فوق الجميع ( مصرية وافتخر )
اتمنى من حضرتك تنورينى على مدونتى العلمية
http://tinkerbell4science.blogspot.com

بوح القلم يقول...

الف مبروك لكم النصر ورحم الله من مات من شهدائكم كنا معكم لم نفاركم ولادقيقه تابعناكم ودعونا الله ان يكشف الغمه
شبابكم حفظه الله اعطى درس لجميع شباب العالم فنعم الدرس
واعطى اسرائل درس قاسي وهو نحن هنا وان غبنا لفتره ..فقد خرج المارد من قمقمه
هنيئاً لكم ولجميع المسلمين وكشف الله الغمه عن اخواننا في ليبيا

mallouk يقول...

بالتوفيق والسداد
تحيتي ومودتي

hend...hanady يقول...

وأنا مصرى وان شاء الله هتغير وهبقى ايجابى مش هستنى حد يصلحلى بلدى انا هصلحها وهساعد

سلسبيل يقول...

تسلمى على موضوعك الرااائع
و تحيا مصر دائماً حرة
تحياتى لك

لـــولا وزهـــراء يقول...

انا كمان عتغير وبدأت التغيير بجد الحمد لله
لولا

lina يقول...

السلام عليكم
نسال الله لنا و لكم التوفيق
تحياتي
لينا

شهر زاد يقول...

السلام عليكم
مصر اتبتث للدنياا انهاا بتعرف تاخذ حقها
وان شبابها رجالة مش مايعين
يارب تستقر البلد وينصلح الحاال
تحياتي

ثـــوره الــغضب يقول...

قيده جميله جدا


والتغيراكيد موجود ولزم العمل الجاد

من اجل الحفاظ على استقرار البلاد والامن والامان يجب التغيير اولا

اتمنى ان ربنا يهدى الجميع ويعقل العقول

من اجل مصر

♥نبع الغرام♥♪≈ يقول...

وحشتينى جيت اطمن على حضرتك
يارب تكونى بخير غاليتى

محمد الجرايحى يقول...

سيدتى الكريمة أدعو الله تعالى أن تكون بخير
وفى تمام الصحة والعافية
اللهم آمين

ندا منير يقول...

كل واحد كان نفسه يتغير من زمان والشعب دلوقتى جواه ارادة قوية قوى للتغيير

الشعب المصرى اعظم شعب فى العالم كله

كان ناقصه فرصة بس وهيقول انا موجود وانا عايز التغيير

الاوضاع القديمة كانت محطمة كل واحد فينا بس انا واثقة فى كل شاب وكل اب وكل ام واثقة فى كل المصريين ان كلنا هنتغير للاحسن

momken يقول...

التغير اصبح امر حتمى
واصبح دون شك قدرنا
ولا يجب علينا رد القدر ابداً

اما من سيتخلف عن ركب التغير فستدهسه عجله الاحداث المسرعه جداً والهادره جداً

لم يعد لنا طرف الاختيار بين التغير او البقاء فقد اصبح التغير كما قدمت امر حتمى ومفروض علينا جميعاً


اشتقنا لحديثك

تحياتى

طهر فؤادك يقول...

السلام عليكم ورحمة الله وبركاتة

اخبارك اية

ربنا يكرمك يارب والمسلمين

موضوع جميل ورائع

وجع البنفسج يقول...

ربنا يقدركم وتبنوا مصر من اول وجديد وانت قدها وقدود ،، ربنا يديمها عليكم حرية وكرامة . .. يسعدني المرور والتعليق.