الأربعاء، 22 سبتمبر، 2010

تاج نمرة اتنين :ماشي يا فتفوتة

تحديث آخر

كتبت مقال عن أطفال الروضة في مدونة

 لحظة نور لمن يهمه هذا الموضوع 


========================================


تحديث هام

امبارح بعدما خلصت البوست وقفلت ودخلت أنام 

لقيت نفسي كل دقيقة ييجي على بالي 


كتاب نسيتهم أثناء الرد

الشيخ الغزالي

ابن القيم

المنفلوطي

مين كمان؟

مصطفى صادق الرافعي

جبران خليل جبران

كفايه خلوني أنام

أنيس منصور وخاصة كتب الرحلات

يا عالم النوم طار من عيني

كفايه أساسا أنا كتبت إني مش فاكره ةقلت قرات لغيرهم كتير

يلا لو افتكرت حد تاني مش حاقولكم عليه

===================================================


التاج داه جالي من الست فتفوتة صاحبة مدونة

فتفوتة ربع قرن
http://fatafetroraz.blogspot.com

وعلى فكرة أنا مش بحب التاج داه خاصة لو كانت أسئلته شخصية بس بما إنه تاج كتب فأنا وافقت علشان خاطر عيونها

و كله بثوابه يا ست فتفوتة
وحاسه بنفس إحاسيس الطفل داه




**___**___**___**
ما هي كتب الطفولة التي بقيت عالقة في ذاكرتك؟


كتاب لسلوى حجازي رحمها الله كله قصص أطفال جميلة احتفظت به لسنوات طوال حتى اهترأ



وطبعا مجلة ميكي و المغامرون الثلاثة والأربعة والخمسة وكمان ال
13



وكان أجمل شيء حصل معايا إن جدي الله يرحمه علمني القراءة وعمري أربع سنوات وكان أول ما قرأت المانشيتات العريضة للجريدة
وكنت أطلق على رئيس الوزراء الامري هنري كيسنجر
كايسونجر
وداه كان لقبي لسنوات طوال
وبرضه من أجمل الأشياء إن أمي شجعتني على القراءة وكنت كلما أوفر مبلغ ما تاخدني للمكتبات الدينية وتجيبلي كتب بفلوسي و كمان تكافئني بكتب بنفس القيمة وتكتب أحرف إسمي  وتاريخ الشراء
و لليوم عندي الكتب دي
ودي شهادة تقدير للوالدة ربي يخليها ليا

**___**___**___**


مَنْ أهم الكتاب الذين قرأتَ لهم ؟
ياه عشرات أو نقول مئات الكتاب منهم في مجال ديني الحنيف أمثال خالد محمد خالد و أحمد بهجت ( كتاب أنبياء الله للأطفال و للكبار )
ومنهم كتاب الشعر بدءا من الشعر القديم مرورا بفاروق جويدة و نزار وووووووووووووووووووووووووووووووووووو
قرأت ترجمات كثيرة جدا : مرتفعات ويزرنج و غيرها
قرات القصص الرومانسية لعبد القدوس ويوسف أدريس وكل من هم في هذه الحقبة الزمنية
داه في فترة الطفولة والمراهقة طبعا
قرأت روايات عبير و أحلام وووووو وكنت باحتفظ بكل الأعداد و إلى اليوم يصيبني الحنين لرواية ما فأذهب إلى محطة الرمل أشتري رواية او اثنان و أخد فترة راحه من الكل و أعيش مع الرواية
شششششششششششششششششششششششش محدش يفتن
**___**___**___**
من هم الكتاب الذين قررت ألا تقرأ لهم مجددا؟
أي كتاب يكتب بصورة مبتذلة
بدون ذكر اسماء علشان أصبحوا كثيرون هذه الايام

**___**___**___**
في صحراء قاحلة ، أي الكتب تحمل معك؟
الكتاب الذي لا يفارقني هو كتاب الرحمن عز وجل
القرآن الكريم



وممكن أخد كتب الدكتور مجدي الهلالي علشان بتديني دفعة للتناغم مع كتاب الله عز وجل فمعظم كتبه تدور عن القرآن الكريم
و برضه جايز أخد معايا رواية جديدة أو كتاب ساخر زي كتاب يوميات زوج طهقان للكاتب تامر طه
صاحب مدونة
http://tah2an.blogspot.com



**___**___**___**
ما هو الكاتب الذي لم تقرأ له أبدا ، وتتمنى قراءة
كتبه؟
كتاب كتيرون لا يتسع الوقت لهم و منهم
على محمد الصلابي

http://www.alsallaby.com/biography.html
**___**___**___**
ما هي قائمة كتبك المفضلة؟
فاضيين كام شهر أكتب لكم؟
في الاساس القرآن الكريم طبعا وكتب تفسير القرآن وكتب السيرة النبوية والتاريخ الإسلامي وخاصة كتب الدكتور راغب السرجاني
http://www.islamstory.com
والشيخ راتب النابلسي
http://www.nabulsi.com/index_ar.php
**___**___**___**
ما هي الكتب التي تقرؤها الآن؟
كتاب الدكتور مجدي الهلالي
تحقيق الوصال بين القلب والقرآن
كتاب جميل قوي على فكرة وللي يحب يقراه أونلاين (مش أنا طبعا )

**___**___**___**
اللي بعت الدعوه؟
الست فتفوته هانم
صاحبة مدونة

فتفوتة ربع قرن
http://fatafetroraz.blogspot.com

**___**___**___**
أرسل الدعوة لمدون واحد علي الأقل من أجل مشاركتنا باطلاعهم في القراءة




أي حد يحب ياخد تاج الجزيرة يتفضل من غير ما ارسل دعوة ولا حاجه
بس أنا أحب أرسل التاج داه لكل المدونيين اللي سابوا مدوناتهم وقاعدين عالفيس بوك
بس خلاص ودمتم سالمين





ساهم في نشر الموضوع و لك جزيل الشكر!



Digg Technorati del.icio.us Stumbleupon Reddit Facebook Twitter

احصل على هذه الإضافة

هناك 50 تعليقًا:

Haytham Alsayes يقول...

السلام عليكم

تاج جميل
واجابات زكتب اجمل

وفعلا ظاهرة ان المدونين يعملوا هجر للمدونة ويتجهوا الي الفيسبوك عديم الفائدة
اني لي حساب عليه
بس بجد لم احبه علي الاطلاق

تحياتي

موناليزا يقول...

فعلا كما يقولون التعليم فى الصغر كالنقش على الحجر
يعنى شوفى جدك خلاكى تحبى القراءة من وانتى صغيورة ازاى
دلؤتى بقى قولى مثلا لشاب متخرج من الجامعة وعنده وقت فراااغ مالوش حصر ايه رأيك لما تقرأ الكتاب الفلانى يديكى درس فى الأخلاق:)

أنا كمان على فكرة حبيت القراءة من وانا صغيورة اوى وكانت اول حاجة طبعا مجلة ميكى:)

LOLOCAT يقول...

السلام عليكم ورحمة الله

جزاك الله خيرا اختى الحبيبة لمشاركتنا ماتحبى من قراءات وكتب
وكلنا تقريبا نشترك فى قراءات الطفولة هههه خاصة المغامرون الخمسة

اد ايه احساسك دافى فى التعبير عن نفسك ووالدتك وجدك ماشاء الله ادعو للجميع بالعمر الصالح والقبول من الله

جزاك الله خيرا غاليتى وبارك فيك
لك منى ارق تحية وتقدير

فتافيت يقول...

ربنا يجبر بخاطرك ويسعدك ويفرح قلبك.. زي ما جبرتي بخاطري
حلوة الدعوة ديه على الصبح صح.. :)

كنت متأكدة إن أجاباتك هاتكون دسمة لأني توسمت فيك الثقافة العالية والأخلاق الاعلى بصراحة

ولو كنت اعرف انك من اسكندرية وانا هناك كنت قابلتك.. :(

ربنا يزيدك علم واخلاق
ويبارك لك في البنين وابوهم يارب

Banota so3'ayara يقول...

ننننننننننو يا قمر
اجابات رائعة و ثقافة واسعة بجد ربنا يزييدك
يا رب

محمود(باحث عن حب) يقول...

الله يارب يبارك في عمرك يارب
اعشق راغب
سمعت له سلسه الاندلس كامله اسلوبه _شيق للغايه كنت اطفي الانوار واعيش معاه
خالد محمد خالد كانك تشاهدي الاحداث نفسي اقرأ رجال حول الرسول بس قرأت ليه ابناء الرسول في كربلاء رائعه
عفا الله عنك وبارك في عائلتك

الحب الجميل يقول...

صباح التاج
اجاباتك جميله يا نور
والكتب اجمل
كل تاج وانتى طيبة
ربنا يبارك فيكى يارب
ويطمنا عليكى دايما
دمتى بخير

سمو الامير يقول...

اجابات جميلة

كويس ان التاجات اتغيرت من أسئلة شخصية لأسئلة تفيد اللى بيجاوب عليهاواللي بيقرأوا الاجابات كمان

:)

غير معرف يقول...

السلام عليكم ورحمة الله وبركاته
واضح تماما ان حضرتك قارئه من الطراز الاول وهواية القراءه دى شئ رائع ربنا يكرمك .

الفراغ يقول...

السلام عليكم
اولا اشكر من اهدتك التاج
فعلا تاج مفيد جدا
ثانيا اشكرك انت على اجاباتك التى فتحت اماما ثقافه لم اكن اعلم بها
وعرفتنى بكتّاب لم اسمع بهم
واجمل من كل ذلك تفضلك بتعريفنا بمواقعهم الالكترونيه
جزاكى الله كل خير على هذه الاجابات والتفسيرات
وبارك الله فى الام ورحم الله الجد العزيز..لانه ترك لنا قارئه عزيزه نافعه للاسلام اولا ولنا ثانيا
ولك السلام

المجاهد الصغير يقول...

ماشاء الله
بارك الله فيكِ
القراءه المبكره تنمى الفكر وتحبب الطفل فى البحث

عندى سؤال مش خاص بالموضوع ده
سؤال بسئله من ام الى ام
معلش
انس عندى سنتين ولسه مش بيكلم
بيكلم كلمات بسيطه اوى
ماما بابا اتو تيته
اطه؟؟؟؟؟
بمانك عندك خبره فى المجال ده
اعمل ايه
انتظر الرد
معلش

♥♥ سكنـــ روحي ــت♥♥ يقول...

تاج مفيد وجميييييل

اسعدك الله

عمدة كفر المظاليم يقول...

السلام عليكم
ألف مبروك التاج
يوميات زوجطهقان
بجد الاسم جامد
تحياتي

جنّي يقول...

السلام عليكم

زادك الله بسطة في العلم ..

لقد هجرت انا الفيس بوك وعدت للمدونة..

تحيتي

عروستى يقول...

موضوع حلو

SHAPE YOUR LIFE (ABOALI) يقول...

ما شاء الله ماشاء الله
ايه ده كل ده يا باشا كل دى كتب
ده انا كنت اقرء كتاب المدرسة بالعافية ودق الدماغ واذكر ان ابويا مرة ظبطنى واقف جنب العارضة فى ملعب لكرة القدم عملينه العيال فكان العقاب مؤثر على جميع اضلاعى واللى داخل يضرب واللى خارج يضرب

يلا بقى ربنا يغفر ليهم وانا مسامح ليوم الدين

بس ماشاء الله فعلا حجم قراءت ياريت استفيد بخبراتك فيهم وتنورى عقلى كده

وربنا يبارك فى الاسرة كلها ويجعل مثابهم الجنات ان شاء الله


وتقديرى واحترامى المستمر

نهر الحب يقول...

بجد تاج جميل
انا رجعت معاكى لكام سنة ورا
لما اتكلمتى عن المغامرون
وميكى وجويدة ونزار
دا لانى كنت بقرأ زمان اكتر كتير من الوقت
رحم الله ابى كان يشجعنى على القرأة

كلمات من نور يقول...

الأخوة والأخوات

ربي يخليكم ليا يارب ويكرمكم وياريت تشاركوا في التاج داه علشان الكل يستفيد ...نورتوني

محمود(باحث عن حب) يقول...

السلام عليكم
هو صحيح انا عملت بوست جديد بعد موضوع الطفله براءه
ولم يحدث رابطى عند اى حد من اللى ضايفين مدونتى
حتى انا ضايف رابط مدونتى ومظهرش الموضوع الجديد فى التحديث خالص
شلت الموضوع بكل تعليقاته ونزلته تانى برضوا مظهرش الموضوع الجديد
ارجوا المساعده
http://bahesanhob.blogspot.com/

السُـلطانة يقول...

السلام عليكم ورحمة الله وبركاته ..

أجمل ما في ذكريات الطفولة .. أنها تثبت المعلومات لدينا سواء أكانت إيجابية أم سلبية .. حلوة أو مرة ..

ولي ذكريات كثيرة عشت في سحر كتبها .. سعدت بهذه التدوينة المفيدة .. تحياتي لك أختي في الله.

Mona يقول...

شفته ياغالية وحأعمله علشان خاطرك

ELMOSTAFZ يقول...

احنا نحكم بعد كده علي المدونين اللي بيدخلوا فيس بوك بعدم التعليق لمدة خمس شهور :)

ليله شتاء يقول...

السلام عليكم ورحمة الله وبركاته

جميل اوى التاج ده

ربا يسعد أيامك ويفرح قلبك غاليتى

أحمد سلام يقول...

ما ألذ القراءة الممتعة فى عالم جهل فيه الناس حقيقة القراءة

لو علم الناس ما يمنحه الكتاب لصاحبه لتسابق الناس إلى الكتب كما يتسابقون إلى رغيف الخبز بل لعل السباق أخذ شكلا مختلفا

فحين يتسابقون إلى الرغيف قد يتصارعون ويتخاصومون

لكن سباق الثقافة يمنح صاحبه ذوقا ورقة ورقيا لا توجد عند غيرهم ممن لا يقرءون
وإن ادعى البعض أنه مثقف وخلا خلقه من الذوق والرقة كان ادعاؤه باطلا

رأيت مدونات يتحدث أصحابها على أنهم هم المثقفون رغم أنهم يعلنون أنهم ( تهييس ) كلمة فى مصطلحهم تشير إلى الغفلة والطيش وعدم المسئولية
وهذه هى حقيقتهم بالفعل يعلنونها على أنها فكاهة لكنهم يعيشونها فعلا

ليت الناس تعود إلى القراءة
ليت الناس يعودون إلى الذوق والرقة ليؤكدوا عودتهم إلى الثقافة الحقة

كلمات من نور يقول...

عمدة كفر المظاليم

على فكرة الكتاب بتاع الزوج الطهقان حلو قوي وخلاني أضحك و أنا قاعده اقرأ لوحدي في غرفتي وبقى زوجي و أولادي يقولوا دي بتضحك مع نفسها؟ الست اتجننت

====================

المستفز

فيه حل استفزازي أكتر نبلغ عنهم
abuse
يقفلوا لهم حساب الفيس بوك

طيبة أنا قوي

هههههههههههههههه

====================

الأخوة والأخوات

دايما تعليقاتي صغيرة ولا تليق بكم بس أصلي بحب أزور مدوناتكم علشان قليل من الناس اللي بيرجع يقرا ردود عالتعليقات و أنا منهم إلا لو كان تعليق انتظر رد عليه وحوار ما

نورتوني

==============

norahaty يقول...

كلامك وإجاباتك
جميلة ياام الأولاد
فعلاً البيت هو المنظم
والمنبة الأول لنا فى كل
حاجة حلوة انا شخصياً
اخواتى الكبار هم
اللى حببونى فى
القراءة وكمان
وبصراحة هم اللى
كان مصروفهم يمكنهم من
شراء الكتب والروايات أما
مصروفى فيدوبك كان على أد
ميكى وسمير وتان تان:)

كلمات من نور يقول...

أحمد سلام

كلماتك هي كلمات من ذهب تعيد إلينا زمن القراءة الجميل ...تعرف حضرتك ناس كتير بتستمتع قوي بالكتب الغلكترونية عالانترنت مش عارفه ازاي ...يعني لو نسخة صعب وصولها ماشي إنما انا القراءة عندي لها طقوس ..كتاب في يداي في ركن هاديء من المنزل وووووووو

نورتني بجد و أهلا بك في عالم التدوين


نورهاتي

المهم إن الكتب كانت بتوصلك وكمان ميزة إنها مجانية (:

ربي يخليكي للاهل و لينا يارب

نورتيني يا قمرايه

ابن الإيمان يقول...


السلام عليكم:
بسم الله ما شاء الله..

مبروك حصيلتك الثقافيه الجميله اختنا الكريمه(أم النور):
ذكرتيني بنوسه وتختخ ونور وعادل وعاطف..
وبعض الكتب...
لكن زماننا تغير
مشاكل الامه ما خلت مراكب القراءه سايره..
وكذلك الحداثه والعمل والمسؤوليات الاسريه..
أحسد النساء فعندهن فرصه عاليه للقراءه بحكم جلوسهن في بيوتهن ليس كالرجال..
تحياتي لكم
ودمتم بخير
ابن الايمان

كلمات من نور يقول...

أخي إبن الإيمان

المغامرون الخمسة كان اسمهم : تختخ ومحب وعاطف ولوزة ونوسة

حضرتك نسيت الظاهر بس سبحان الله أنا استعدت ذكرياتي عنهم مع أبني الكبير هو اكتر واحد غاوي قراءة ولغاية النهاردة بجيب مجلة ميكي و أقرأها أنا وهو وزوجي يضحك علينا ويقول : ربنا يكملكم بعقلكم

نورتني والحمدلله إننا ستات بيوت بالرغم إن سيدات عاملات كثيرات يقرأن أكثر مني ...يعني حجتكم باطلة (:

د. ياسر عمر عبد الفتاح يقول...

انا فاكر إني رديت هنا
بس مش لاقي الرد

مين سرق الرد
اطلع بيه أحسنلك ,, أنا عصبي وممكن أعورك

___
طب لحين التحقيق والتمحيص لمعرفة السارق
نرد تاني


إيه الكتب دي كلها؟
أنا لو قريت نصها

كان زماني عندي مدونة كلمات من (نور)
بس يا خسارة مقريتش غير شوية قليلين
يا دوب كفو (ومضات) ضعيفة

وكله على قد علامه بقى

كلمات من نور يقول...

ياسر يا دكتوري العزيز

محصلش يا بني انك علقت هنا في البوست داه...ويمكن عفريت المدونة لعب معاك وهزر.ههههه

تسلملي ويسلملي كلامك الجميل داه يا ياسر والله كلامكم بيفرح قلبي دايما ....وشد حيلك الومضات تقدر تبقى أنوار ...ربي يعظم لك نورا و أجرا يارب ......ومضاتك نورتني (:

Mohamed E.T يقول...

ام البنين السلام عليكم
ش عارف بحب التاجات ليه ...ممم الواحد curiousدايما يعرف the other face لناس يحسبهم الواحد علي كل خير
ربنا يبارك لك و يرحم دج حضرتك و يطول ويبارك في عمر الوالدة إن شاء الله
يارب الشباب كلهم يكونوا بخير
كل التحيه و التقدير

كلمات من نور يقول...

محمد إي تي

حلو الفرانكو أراب داه يا محمد عجبني قوي ...هههههههههه ...أضحك الله سنك يارب ووفقك لما يحب ويرضى

جايدا العزيزي يقول...

وحشانى موووووووووت يا قلبى

اول مرة اغيب ما تسأليش عنى

اكيد زهقتى منى يا ست الكل

انا جايه استلف منك بطوط

اصلى بموت فى ميكى وبندق

وبعدين حلوووووة اووووووووى

اجباتك هو ده التميز والخبرة


اما الفيس بوك

مش عارفه ليه يانور مش مرتحاله

جتلى دعوات كتير

قولت يااختى اشمعنى انتى

بلاش تخليهم يقولوا عليكى رجعيه

ودخلت وزى ما دخلت خرجت

ضفت زوجى واخى للاصدقاء

وبسرعه منه هربت

دمه تقيل على قلبى

هو انا بفتح حتى الاميل

انت رائيك ايه

كتير حيرونى قالولى ده جميل

وكتير قالوا زى ما قلت دمه تقيل

المهم وحشتينى

اشوفك امته بقى

تحياتى

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

أبو حسام الدين يقول...

السلام عليكم

ما شاء الله عليكم، جميل ما قرأت هنا

د/عرفه يقول...

السلام عليكم


طبعا انا من الناس اللى الفايس بوك اخدهم
وطبعا زمايلى فى الدفعة زيى تمام

بس الحمد الله الواحد بيحاول يحافظ على المدونة من التراب كل شوية


واكيد مش هعرف اخد التاج لانى مش هعرف اجاوب كده زيك طبعا

ghorBty يقول...

السلام عليكم

ما شاء الله ربنا يبارك في حضرتك

القرءاه امتع شئ في الوجود بس ياريت نحس وبدا ونعرف اننا امه اقرا

"بس أنا أحب أرسل التاج داه لكل المدونيين اللي سابوا مدوناتهم وقاعدين عالفيس بوك"

ههههه والله عند حضرتك حق

М€ŝЋМΣŞĦ يقول...

Nice Tag

أول حاجة عملتها فى الفراءة.. إنى شخبطت على قصة ميكى بحالها

كانت دى أول علامات ظهورى كقارىء واعد

كلمات من نور يقول...

جايدا يا حبيبة

ابدا مش غايبه عنك ولا عن مدونتك الحبيبة بس المدارس بقى والتجليد والكراسات والكتب شغلوني قوي ...دعواتك السنة تخلص وييجي الصيف ....ههههه احنا كده في الصيف ندعي ونقول يارب العيال دي المدارس تلمهم ولما المدارس تيجي نقول امتى الصيف ييجي ...


غير معرف

أتمنى دوما أن يكتب الغير معرف شخصيته ولكن لا مشكله قمت بنشر التعليق ...


أبو حسام الدين

الحمدلله سيدي فالقراءة كنز من أهم ما نملك في هذه الحياة


د.عرفة

الفيس بوك لا يغني عن مدوناتنا أبدا داه احنا حنعاقب كل غايب عن المدونات بتاعته ...انت حر بقى ...أشوفك عالفيس بوك يا بني..هههههههههه


غربتي

تسلميلي يا قمر و ايه رأيك في موضوع المدونيين والمدونات والفيس بوك عايزين نعمل عليه بوست وقصيدة ...


مشمش

حد برضه يشخبط شخابيط على مجلة ميكي؟
بس أكيد علمك داه كتير ...


نورتوني

ghorBty يقول...

ياريت بجد نعمل بوست وقصيده

فعلا ديه ظاهره ملحوظه :(

جو المدونات بقا مش زي زمان وايام زمان ..

كلمات من نور يقول...

غربتي

انا عليا البوست الجاي

وانتي عليكي القصيدة


يا ترى نعمل لهم غرامات إيه ؟

واحد من المدونين قال منعلقش عندهم 5 شهور

و انا كنت طيبة وقلت نبلغ عنهم
abuse
ويقفلوا لهم الفيس بوك بتاعهم

هههههههههههه

انتي إيه رأيك؟

ghorBty يقول...

ههههه

خلاص ماشي

انا بستخدم الفيس برضوا بس جو المدونات فيه استفاده وتبادل افكار وجو تاني خالص من الابداع

ياريت يرجع جو المدونات يرجع زي زمان واحنا كمان نرجع زي زمان

انا عن نفسي اخدت عقابي من اسبوع بحاول ادخل المدونه والباسورد نسياه والله زعلت اوووي حسيت ان حاجه مني اتنزعت بقوه والحمد لله بعد الدعاء والمحاولات افتكرته ودخلت وان شاء الله مش هسيبها تاني وقررت ارجع اتابع
من جديد وربنا ما يحرمنا من صحبه الخير والاخيار ..

حياتى نغم يقول...

السلام عليكم ورحمة الله وبركاته

بارك الله فيكِ ورضى عنكِ ووالديكِ آمين .

وطبعاً ربنا يجعلنا زى حضرتك أكيد القراءة بترتقى بالانسان مع كل حرف زى القرآن .

على فكره أنا كنت بحب المغامرون الخمسه
نوسه ولوزه وتختخ ومحب جداً :)

hend...hanady يقول...

لما شفت صورة المغامرون الخمسة روايات القصص البوليسية افتكرت حاجات قديمة اوى الواحد كان متهيأله انه نسيها
زى قصص فلاش وزووم كانت تحفه خاصة المعلومات اللى فيها وحاجات تانية كتير
حسيت ان الطفلة طلعت
يالا كل تاج وانت بخير

hend...hanady يقول...

على فكرة مرسى جدا على رابط محمد الصلابي انا دخلت الموقع وعجبنى اوى بصراحة مكنتش بحب اقرا غير لدكتور راغب بس

كلمات من نور يقول...

غربتي

ربي يردهم للمدونات ولينا ردا جميلا يا فتاتي ...

حياتي نغم

فاكرة الشاويش فرقع وجملاه المشهورة: افرنقعوا من أمامي؟؟؟؟
ذكريات الطفولة الجميلة ....


هند هنادي
الكل استعاد ذكرياته بهذا التاج يا هند والحمدلله .والعفو على موقع الصلابي فغايتي الإفادة والحمدلله .أما التاج فمش كل تاج بجاوب عليه بصراحه لما في الكثير منهم من الاسئلة الشخصية ...


نورتوني يا فتياتي

Mona يقول...

تابعوا معى مدونة ثورة البنفسج خلال شهر أكتوبر
http://thawratalbanafseg.blogspot.com/2010/10/blog-post.html

حتتكلم عن العنف المنزلى

كلمات من نور يقول...

منمن متابعتين معاكي يا فتاتي

abdu6631m يقول...

مدونتكم رائعة وتحتوى على المعارف الجيدة وخاصة لمجال الطفل .