الخميس، 1 أبريل، 2010

يا مسلم



بسم الله الرحمن الرحيم





   قال تعالى : ( قل هل ننبئكم بالأخسرين أعمالا*الذين ضل 


سعيهم في الحياة الدنيا وهم يحسبون أنهم يحسنون صنعا*أولئك 


الذين كفروا بآيات ربهم ولقائه فحبطت أعمالهم فلا نقيم لهم يوم 


القيامة وزنا*ذلك جزاؤهم جهنم بما كفروا واتخذوا آياتي و رسلي 


هزوا) صدق الله العظيم...سورة الكهف 


103/106




مسلم يقول:(ما يحدث لأهل العراق حلال ... أنهم لا يزالون ينادوا باسم صدام وهو من شردهم ...اذن حلال ما يحدث لهم) .. يالله يا مسلم !!!!!!!!





مسلم آخر يقول :(أهل فلسطين حلال ما يحدث لهم ...لقد باعوا أرضهم لليهود وتنازلوا عنها منذ زمن) يالله يا مسلم !!!




يا مسلم:هذا ما تردده الأن وأنت جالس على المقهي تلعب الطاولة وتدخن ما تعلم أنه حرام ومكروه ولا تبالي!!!!



يا مسلم خسرت أعمالك فى الدنيا وخسرت يومك الاخر وجنتك...تجلس أمام شاشة التلفاز تقلب القنوات الفضائيةوترى بعيناك فدائح حرب يقتل فيها أخوك وأمك وأبوك وابنك ولا تبالي وتقول بلسانك وليس بقلبك :لا حول ولا قوة الا بالله !!!




 اذا ما شعرت بحزن فى قلبك مما ترى فلا تغتم كل ما عليك أن تقوم بتحويل القناة الي قناة لذيذة فكلها مرح وهرج ومرج وهي بأخبار المسلمين لا تبالي!!!!




يا مسلم اذا كنت قد رضيت بدخول الجيش الاجنبى الظالم الى بلادك فاليوم هم هناك وغدا سيجيئون هنا !!!!يدخلون بسلاحهم وعتادهم يقتلون أمى أو أمك ، يغتالون براءة أخاك الصغير،و يغتصبون أختك وزوجتك أما عيناك فلا تبالي!!!!






يا مسلم أنا امرأة مهمشة وضعتنى فى بيتك وغبت عني تلهو وتعبث مع اصدقاؤك وعندالصلاة تترك الجماعة لتلعب الطاولة وتصلي وحدك حتي لا تفوتك البطولة...و لا تبالي !!!يا لها من بطولة ويالها من رجولة هل انتهي زمن الرجال؟هل انتهي الاسلام من بلاد العرب؟لا لا تبالي!!!




يا مسلم كيف ستطاوعك يداك فترفعهما بالدعاء دبر كل صلاة؟


بم ستدعو؟ ماذا ستطلب؟ مالا؟ جاها؟ ترقية؟ ودماء المسلمين 


المراقة لا تبالي؟؟؟؟




يا مسلم لقد قال أنس بن مالك رضي الله عنه حينما رأ ى حال الناس من حوله:انكم لتأتون أعمالا هي أدق في أعينكم من الشعر .كنا نعدها على عهد الرسول من الموبقات) يالله ويالها من سخرية أعمالنا الان التي كاوا يعدونها أدق من الشعرة أصبحت أسمك من الجديلة واذا كان أنس يعدها من الموبقات فما هي أعمالنا :شرك أصغر ؟؟؟ خسارة ونارا ؟؟؟ يالله يالله ... يامسلم لا لا تبالي.!!!!!




أقول قولي هذا واستغفر الله لي ولكم وصلي الله على سيدنا محمد وعلى آله وصحبه وسلم ....ألا هل بلغت اللهم فاشهد





ساهم في نشر الموضوع و لك جزيل الشكر!



Digg Technorati del.icio.us Stumbleupon Reddit Facebook Twitter

احصل على هذه الإضافة

هناك 27 تعليقًا:

صباح الخير يقول...

بعد السلام عليكم ورحمة الله وبركاتة
لقد ذكرتنى بأيه هى الاصعب على نفسى بل هى الايه التى تصيبنى بالفزع والخوف لدرجه اننى تمهلت لبعض الوقت حتى استطيع ان اكتب هذا التعليق من جل ما حدث لى ّبعد أن قرأتها ..
الاخ العزيز .. لقد كنت كريما عندما سميتهم بالمسلمين .. ( فالمسلم للمسلم كالبنيان...) اما هؤلاء ليسوا بمسلمين حقا بل هم متأسلمين .. دعنى لا أكون قاسى بل هم مسلمين فى غفله
أيقظ الله القلوب الغافلة ..
وهدى الله العقول الضاله ..ليعود للأسلام عزه وللمسلم كرامته
خالص حبى وتقديرى

موناليزا يقول...

كم شغلتنا الدنيا ومتاعبها ومصائبها عن السبب الرئيسى لوجودنا فى هذه الحياة
كتير اوى سمعت الجملة دى
"انا مش عارف الاحق على طلبات العيال هفضى بقى اتابع ايه اللى بيحصل فى فلسطين"
عجبنى الداعية "معز مسعود" لما كان بيتكلم عن بعد الناس عن الدين وخصوصا الطبقة اللى تحت خط الفقر
قال وقتها قبل ما نعاتبهم انهم مابيصلوش وانهم بيسرقوا نوفر لهم البيئة المناسبة ونساعدهم اولا على الحياة الطبيعية

وكما نقرأ فى الجرايد ونسمع فى البرامج عن خطة الحكومة فى كبت صوت المواطن بملاحقته بمزيد من القوانين وغلاء الاسعار الذى لا يجعله يفكر سوى فى كيية ان يحيا حياة مستورة هو واولاده

الموضوع كبير بجد
الناس تعبانة ومخنوقة ومحتاجة اللى يحل مشاكلها مش اللى يزود همومها ويتهمها بالتقصير لان ببساطة الناس مفيش فى ايديها حاجة حتى المقاطعة فيه ناس ماكنتش تسمع اصلا عن المنتجات اللى المفروض نقاطعها لانها أفقر من انها تجيبها

الموضوع موجع بحق

كلمات من نور يقول...

صباح الخير

أنا أخت يا صباح الخير ولست أخا ....أسأل الله أن نفيق من هذه الغفلة و أن ندع الدنيا ونتركها لجنة عرضها كعرض السماوات والأرض أعدت للمتقين...تحياتي

ذكري رحيل قلم يقول...

السلام عليكم
كالعادة بوست يحمل هموم الاخرين

طيب شعب العراق يمكن عشان بيقولوا اهو احسن من غيره رغم العذاب علي فكره نفس القصة في مصر اليومين الجيين

اهو ابنه احسن من غيره

فلسطين مسلم آخر يقول :(أهل فلسطين حلال ما يحدث لهم لقد باعوا أرضهم لليهود وتنازلوا عنها منذ زمن) يالله يا مسلم

عادي ما مصر اتباعت ارضها للاسرئليين باسم مستعار عربي وفي الاصل هي لليهود
وكمان الشيخ زايد وغيرها في الاسكندرية للامارات وغيرهم من العرب

يعني الهم عندهم وعندنا
يا مسلم ماذا ستعمل اذا وجدت نفسك يوما بدون ارض وبدون وطن وبدون اخ مسلم مثلك


المسلم عشان البطولة لا يترك الجماعة فقط بل الصلاة كلها مش هضحك عليكي
لكن المؤمن هو من يذهب ويركع ويسجد لله تعالي

تحياتي لموضوع هام يحمل الكثير منالعبر لنا ولغيرنا لعلنا نتعظ
دمتي بحب وود

ماما أمولة يقول...

أيوة يا نورانية

المسلم

من نعاتب ؟ من ولا من

حسبنا الله ونعم الوكيل

كثر الكلام وما من مجيب

نورانية بلوجر

جعلك الله نورا لكل من حولك اللهم أمين

salma mohamed يقول...

لا يملكني الا ان اقول انا لله وانا اليه راجعون.

فشكووول يقول...

مش عارف ممكن كلامى يزعلك ولا لأ
انا طبيعى ارائى صادمه .. لكن لابد من الصراحه ومعرفة تشخيص الداء حتى يسهل العلاج

ابن الكلب صدام حسين هو من اودى بالعراق الى هذا النفق المظلم .. صحح الامريكان ولاد ستين كلب .. لكن ابن الكلب ده هو اللى ادالهم الزريعه والحجه عشان يحطوا رجليهم .. عارفه ليه .. عشان كان الراجل بتاعهم وعميلهم .. لما قالوا له اضرب ايران لمصلحتهم .. قام ضرب ايران لمصلحه امريكا وبريطانيا .. مش عارف انت فاكره صفقة الطائرات الكانبرا البريطانيه للعراق فى الثمانينات ولا ايه لما قامت الدنيا ولم تقعد حتى اعطيت العراق صفقة الطائرات الكانبرا والتى كانت لا تخرج خارج انجلترا .. عشان ابن الكلب صدام كان بينفذ اجنده اجنبيه.. بس كان عامل على شعبه الزناتى خليفه.

تعالى بقى اليومين دول واللى بيحصل فى العراق .. عايز اعرف كام واحد من المحتلين بيموت فى التفجيرات اللى بتحصل فى المدن العراقيه والقرى .. وكام واحد من العراقيين ..يا سيدتى .. نحن رحماء بالكفار اشداء على انفسنا .. بيقولوا العراق محتل .. اذن العدوا واضح نستطيع ان نوجه اليه بنادقنا وسهامنا ونبالنا وسيوفنا .. دا اللى احنا فالحين فيه .. لكن لييييه ؟ اسهل ان نوجه سلاحنا لبعضنا ونقتل بعضنا.

فشكووول يقول...

فى فلسطين .. قولى ايه اللى بيحصل فى فلسطين .. نعم يا سيدتى كان هناك بيع اراضى لليهود .. حصل هذا وبالوثائق ولذلك تجدى ان القانون المصرى يحظر البيع للاجانب .. الفلسطينيون تفرغوا لعداوة نفسهم ما بين فتح وحماس وتركوا الاسرائيليين تماما اللهم الا ما يخزى العين .. القتلى من الفلسطينيين والمشنوقين بمشانق حماس وفتح اكثر من القتلى الاسرائيليين على مدى عشرة اعوام .. سجون فتح مليانه بالمساجين الحمساويين وكذلك سجون حماس مليانه بالمساجين الفتحاوين اكثر مما فى سجون اسرائيل .. واللى بيحصل فى فلسطين شيئ يعجز العقل عن فهمه وتداركه .. تعرفى حضرتك ان حماس غير شرعيه الآن .. تعرفى حضرتك ان فتح غير شرعيه الآن .. تعرفى ان السلطه الفلسطينيه بالكامل سواء فى فتح او فى حماس غير شرعيين ويحكمون الفلسطينين بطريقه غير شرعيه .. ودا اللى اسرائيل كل ما تتزنق تلوح لهم بيه وتهددهم بانهم غير شرعيين يقوم الفتحاويين والحمساويين يلموا الدور ويهدوا اللعب مع اسرائيل شويه. . يلاقوا نفسهم احسن من القتال مع اسرائيل يولعوا الدنيا مع بعض وهاتك يا تقتيل فى بعض وبلاها اسرائيل .. المهم ان يكون فيه نضال وقتال .. بس نضال وقتال ضد مين يا حسره .. يا سيدتى اللعبه انكشفت وبانت من السياسيين العرب والحكام العرب وقالت جهينه لكل الناس من هم السياسيين ومن هى السياسات العربيه وايه اللى بيحصل بين العرب والموضوع كله يا سيدتى سبوبه

فشكووول يقول...

تكمله تالته لصاحبة النور
يا سيدتى لو تدرى ما يحاك لنا مننا من مؤامرات .. تعالى نروح العراق وسوريا ولبنان .. وتركيا.. شوفى المؤامرات التى تحاك عشان يكون للاكراد دوله تاخد من كل الدول دول ويخلقوا كرسى للحكم جديد يجلس عليه طاغيه جديد .. وطبعا الغرب مش حيلاقى الفرصه دى ويسكت .. لازم يستغلها .. دى لقمه سهله وطايبه يسيبها ليه .. بس مين اللى سهلها له واللى طيبها له

تعالي نروح للسعوديه الاصوليه الوهابيه .. طبعا انا لا انتقدها لكن ابين طبيعة الحكم فيها وكيف ان المذهب الوهابى مذهب متشدد وكيف ان التعليم والثقافه كلها فى السعوديه ثقافه متشدده ومع ذلك شوفتى ايه اللى بيحصل اليومين دول ..

بالذمه فيه حد يصدق ان السعوديين يتحولون بقدرة قادر الى جماعات من الارهابيين فى يومين ونصف كدا وكل يوم يقبضوا على ارهابيين سعوديين .. وانا احد الناس الذى يعرف ان السعوديين ابعد ما يكونون عن العنف .. لكن نجحوا فى ان يحولوهم الى ارهابيين .. (اقصد الغرب الذى نجح فى تحويلهم الى ارهابيين ) وبالاتفاق مع السلطات عشان الدوله السعوديه تطلق يدها فى السجن والقتل ووأد مش الحريات .. لأ .. وأد المطالبه بالحريات .. من اولها كدا قبل الناس الغجر ما يفهموا ويعرفوا ويتعودوا على الكلام الفاضى ده زى المصريين البقر واللبنانيين البهايم .. طبعا من وجهة نظر السلطات هناك .. ما هو احنا من وجهة نظر حكامنا بقر وبهايم وحمير كمان .. ولا احناش بنى آدمين خالص

فشكووول يقول...

شوفى يا ستنا اللى بيحصل فى ليبيا .. شوفى اللى بيحصل فى السودان .. شوفى اللى بيحصل فى الصومال .. نسيت اقول لك فى اليمن .. نسيت اقول لك نكش على خفيف قوى .. لكن بدأ فى الدول المطله على الخليج .. ابتدت العمليه هناك فى الكويت ..شوفى اللى بيحصل فى الجزائر .. شوفى اللى بيحصل فى المغرب من الصراع بين الصحراء والدوله المغربيه وكمان صراع بين الامازيج والمغاربه

شفتى الدايره كبيره وانا ممكن اكتب كتاب عشان اشرح الموضوع كله .. لكن مين اللى صنع هذه الدائره غير البهايم اللى ماسكينا وحاكمينا بالحديد والنار ويقمعون كل صوت وكل حس وكل واحد عايز يشم هواء نظيف .

اما الكلام من الناحيه الدينيه .. الحمد لله رب العالمين والصلاة والسلام على ارحم المرسلين سيدنا محمد وعلى آله وصحبه اجمعين .. هذا والحمد لله كلام لا هراء فيه وهو فى حبة القلب والعقل ..

فى هذا الموضوع فانى اؤجله للقاء آخر ان شاء الله .. على رأى الشيخ الشعراوى .. والى لقاء آخر ان شاء الله

إبتسامة ملاك يقول...

وحشتينى حبيبتى

جعلها الله بميزان حسانتك ورفع قدرك

لا يسعنى غير قول حسبى الله ونعمه الوكيل
دمتى بكل الخير

Tamer Nabil يقول...

السلام عليكم

فى حاجات كتير جوانا مش كويسة لازم تتغير عشان نقدر نشوف الامور واللى بيحصل حوالينا صح

فنحن الان فى ضلال وبالاخص اعلامى

مع خالص تحياتى

SHAPE YOUR LIFE (ABOALI) يقول...

نداء يا مسلم
نداء غالى
المسلم يحتاج الان الى وعى وادراك
لانه غرقااااااااااان فى البحر

بحر التوهااااااااان من غير هدف

اول حاجة للعلاج
هى تحديد الهدف
انا عاوز ايه
واروح ازى
ويكون معايا ايه

لما يجاوب هايعرف ويدرك ويعرف انه الان فى ذيل الامم
لانه نكرة
لانه يطبق دين مظهرى على نفسه
لانه مش دليل على دينة وجذاب ليه


نداء يا مسلم غالى
ووعى المسلم اغلى

خير خير ان شاء الله

ضكـــــتور جدا يقول...

نرجو مشاركتنا في نشر الفن الهادف
بنشر (شبكة صوتنا للفن الهادف)
http://www.sawtona.blogspot.com/
ووضع البانر الخاص بالشبكة في مدونتكم
http://img23.imageshack.us/img23/6886/91117988.jpg
جزاكم الله خيرا

غير معرف يقول...

بخ بخ بخ بخ انا جييييييييييييييت
وحشتينى كتير كتير
مدونتك كلامك
كل حاجه وحشتينى مدونتك وحشتنى اوووووووووى
والله لما ادخل الاقى الموضوع الحلو الجميل ده.
لفت نظرى فى رد الاخ التانى بتاع فلسطين
انه بيتكلم بناء على جهل
وللاسف احنا 3 اقسام الان
قسم بتكلم بناء على جهل وعدم علم اصلا
جز يتلكم بناء على علم مزيف وجرايد حكوميه وكلام اى كلام وبدون تفكير
وقسم اخر بيحاول ان يفنط الكلام اللى داخل ليه
عايزين بس حبه تفكير
تحياتى
تيك كير

د/عرفه يقول...

السلام عليكم

انا حبيت بس ادخل اسلم واطمن عليكى
يارب تكون صحتك تمام

ويارب ابنك يكون موفق فى مسابقاته دايما

سبايدرمان يقول...

هو احنا مسلمين صح ؟؟

ذكري رحيل قلم يقول...

السلام عليكم


اخبارك ايه مش عادتك انك مش تردي

بطمن عليكي
دمتي حبيبتي

كلمات من نور يقول...

الأخوة والأخوات

سامحوني لعدم الرد هذه الأيام ...ضغطي عاد ثانية للهبوط الحاد و قمت بعمل تحاليل طبية لإن الطبيب يشك في مرض أديسون ويارب يخيب ظنه ...سأقوم بعمل تحليل آخر غدا إن شاء الله صباحا ..أسالكم الدعاء ....كلمات من نور

salma mohamed يقول...

الف مليون سلامة,
شفاكِ الله وعافاكِ يا خالتو.

هبة النيـــــل يقول...

السلام عليكم ورحمة الله
من الله عليكِ أختي بالشفاء
ورزقكِ الصحة دائما وأبدا

أشعر بالعجز أمام مثل هذه القضايا
فلا شيء في يدي غير تربية أولادي بالطريقة السليمة، علَّ المجتمع يتغير مستقبله بأمثالهم..

طمنينا على صحتك

أختك
هبـة,,,

Haytham Alsayes يقول...

السلام عليكم

فعلا كلمات من نور ان شاء الله عاتابعك دايما


تحياتي

A. Mokhtar يقول...

السلام عليكم ورحمة الله وبركاته،
أولاً: شفاكِ الله وعفاكِِ، وأسأل الله العظيم أن يديم عليك الصحة، ويخيب ظن الدكتور (:

بالنسبة للموضوع فهو فعلاً موضوع جميل، وإختصار ردي عليه في جملة " ضياع الهوية ".
أنت مين؟ وعايش ليه ولمين؟ ومن توالي ومن تعادي؟ ودينك أهم ولا دنياك؟؟

الكل مغيب وعايش في توهان، يمكن من كتر المشاكل والهموم، وقلة الماديات وأنقطاعها أحياناً.

عندما نتكلم عن فلسطين والعراق، نحزن لما يحدث لأخوان لنا مسلمين، لا ننظر لطريقة تعامل من يحكموهم، ولا لما يفعله بعض ضعاف النفوس والخائنين، وإلا فلننظر في أنفسنا قبل أن نعيب غيرنا

سبايدرمان يقول...

ربنا يشفيكي يارب
و ان شاء الله ميكنش فيه اي حاجه خالص

موناليزا يقول...

طمنينى عليكِ ياقلبى
ان شاء الله خير

كلمات من نور يقول...

أنا الحمدلله بخير يا شباب ويا أخواتي في الله ...عملت التحليل والنتيجة تطلع بكرة بالليل إن شاء الله و أخدها و اروح لطبيب يقال إنها شاطرة في مجال الغدد ...دعواتكم

tarek alghnam يقول...

السلام عليكم
فعلا نحن بعيدين كل البعد عن ادب الحوار
وللاسف اصبحنا نسئ للاسلام
ربنا يبارك فيكى وفى مدونتك الاكثر من رائعه ويجعل كتاباتك ف سجل حسناتك وينفع بيها لان عندنا مشكله نعرف الصح ونتبع الغلط
تقبلى تحياتى
ودمتى بحفظ الله
ويسعدنى التواصل معك