الأحد، 26 أبريل، 2009

نعمة يحسبها البعض نقمة


بسم الله الرحمن الرحيم

قال الله تعالى في سورة الحجرات

يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَبْ بَعْضُكُمْ بَعْضًا ۚ أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَحِيمٌ (12)وقال رسول الله صلى الله عليه وسلم

1976 - أتدرون ما الغيبة ؟ قالوا : الله ورسوله أعلم . قال : ذكرك أخاك بما يكره ، قيل : أفرأيت إن كان في أخي ما أقول ؟ قال : إن كان فيه ما تقول ، فقد اغتبته . وإن لم يكن فيه ، فقد بهته
الراوي: أبو هريرة المحدث: مسلم - المصدر: المسند الصحيح - الصفحة أو الرقم: 2589
خلاصة الدرجة: صحيح




منذ صغري ولدي عادة يعتبرها الكثيرون نقمة إذ أنني لا أملك موهبة تفصيص الناس وتمحيصهم

و أنا ولله الحمد أؤمن أنها نعمة
و إن سألتموني عن المعنى أقول لكم حوار بسيط دار بيني وبين أحد القريبات


فلانة: هل رأيتي ما ترتديه فلانه اليوم؟
أنا : امممممممم بصراحه مباخدش بالي من الحاجات دي كل اللي بيلفت نظري إنها ما شاء الله ترتدي الثياب بالتزام
فلانة : انتي ازاي مبتخديش بالك من الحاجات دي؟
دي كانت لابسه خاتم في صباعها اليمين لوة حقيقي الماظ يعدي الآلفات
أنا : ربنا يبارك يا ستي لها وعقبال ما تلبسي
خلينا في حالنا مش ناقصين ذنوب
فلانة : طيب يلا سلام شكلك مش غاوية تتكلمي



حوار هاتفي أخر مع نفس الشخصية

فلانة : عجبتك شقة قريبتنا؟
أنا : الحمدلله ، ما شاء الله لاقوة إلا بالله شقة جميلة وبسيطة ربي يبارك لهم فيها ويديهم الذرية الصالحة
فلانة : و أوضة النوم؟
أنا : حلوة
ملحوظة : أنا قلت حلوة و أقسم بالله إني يمكن مش فاكرة لونها ولا شكلها كل اللي فاكراه انه بيت عروسة حلو والسلام
فلانة: حلوة؟؟؟؟؟؟؟؟؟؟؟؟؟؟؟؟؟؟؟
دي بلدي قوي
مخدتيش بالك من الاويما؟
أنا : أويمه؟ يعني إيه؟؟
فلانة : اوه يا بنتي انتي عملتي شقتك ازاي؟؟ مش كنتي بتتفاهمي مع النجارين ووو؟
أنا : بصراحه مش بحب لا الدوشة ولا الخلاف ولا المشكال وبحب البسيط من كل حاجه
فلانة : طيب شفتي التسريحة؟؟مش بتاعة اوضة النوم اساسا
أنا : احنا كده بنغتابهم يا فلانة في حين لو شفناهم حنقول البيت جميل وداه حرام يا سيدتي
فلانة : طيب يا ستي بلاش
احكيلي بقى عن شقة مرات أخوكي
حلوة يا ترى ؟والا شبه شقة قريبتنا؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!!


هنا انتهت الحوارات
وكما قرأتم هي تعتقد العيب في عيني و إن أنا معنديش موهبة التفعيص والتفصيص والتمحيص
بالله عليكم دي موهبة؟؟؟
يعني لازم اعرف ان الاخت فلانة لابسه حذاء من عند بتاع الأحذية المضروبة وبتقول عليه سينيه
ولازم اعرف إن علانة بتلبس من عند المحل الفلاني وبتقول عنه مستورد وهو من نوع باتنين ونص تعالى بص؟؟
اد كده الامور اختلطت عند الناس؟؟
أنا شبه اعتزلت بعض الفئات من الناس وهم أقرباء بسبب هذا الموضوع
يعتقدون الخوض في هذه الأشياء محمود
كيف هو محمود و أنتي لن تجروئي على الخوض فيه أمام هؤلاء الناس
على العكس هي حينما تراهم تمتدح منازلهم الجديدة أوملابسهم
وووووووووووووووووووو

كيف لنا كمسلمين أن نكون بوجهان؟
ألا نقرأ القرآن والسنة؟
ألا نهتدي بهدي الحبيب المصطفى
صلى الله عليه وسلم؟
ألا تعلمون المثل القائل : اللي بيته من زجاج ميحدفش الناس بالطوب؟؟؟؟


ألا نجد من يرد هؤلاء الناس؟
هل هناك من يقوم بالرد على هؤلاء المغتابين؟
دعونا نسأل بعضنا بعضا:هل تفعل هذا؟

هل تقومي يا سيدتي و أنستي بالدفاع عن اخواتك وصديقاتك
وتردي على هؤلاء المغتابين والمغتابات بآيات الله الحكيم وأحاديث نبيه المصطفى؟

هل تقوم بهذا أخي؟
هل ينطبق قول رسول الله في حديثه الشريف عنكم؟

76495 - من ذب عن عرض أخيه بالغيبة ؛ كان حقا على الله أن يعتقه من النار
الراوي: أسماء بنت يزيد المحدث: الألباني - المصدر: صحيح الترغيب - الصفحة أو الرقم:



2847خلاصة الدرجة: صحيح لغيره






وكما بدأت حديثي بكلام الله عز وجل أختم حديثي بكلامه الحنان المنان

إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُمْ مَغْفِرَةً وَأَجْرًا عَظِيمًا (35)الاحزاب

أقول قولي هذا و أستغفر الله لي ولكم
ساهم في نشر الموضوع و لك جزيل الشكر!



Digg Technorati del.icio.us Stumbleupon Reddit Facebook Twitter

احصل على هذه الإضافة

هناك 30 تعليقًا:

غير معرف يقول...

حلوة يا كلمات من نور
ربنا يجعله فى ميزان حسناتك
بس ياريت الناس تدرك هذا وتعى ما قد يحدث
نحن نعيش زمن كل شئ فيه مستباح
نسأل الله العفو والعافيه

بنوته صغيورة يقول...

ماما نور
بجد بجد جيتى على الجرح
انا افتكر ان تقضية وقت فراغى انا و اصحابى كله غيبة و نميمة
يعنى نتكلم عن المدرسة فلانة و المدرس علان و ماسبناش حد فى حاله
و البنت اللى بتعمل كذا و اللى بتتكلم كده
بجد بجد انا بقيت مخنوقة من كتر التعود بقيت مش عارفة ابطل
بس خدنا قرار فجاه نبطل و فعلا حاولنا و نجحنا ان احنا بطل كلام يوم كامل و دلوقتى بقينا قليل لما نتكلم عن حد و ده انجاز
بس اهم حاجة حط نفسك مكان اللى بتغتابه يا ترى
ترضى حد يتكلم عنك بالطريقة ده
و فكر ان هو الكسبان هو بياخد من حسناتك و انت بتخلصله سيئاته
من كتر حسناتك يعنى
لازم نفوق قبل ما يجى يوم يبقى الوقت فيه فات على الصحيان
تحياتى

كلمات من نور يقول...

غير معرف

شكرا لتعليقك
ويارب الناس تعي وتدرك

والله قادر على كل شيء

كلمات من نور يقول...

رو

كلامك صح يا جميلة وصدقيني حتاخدي ثواب عظيم انتي وصاحباتك علشان فهمتم ونفذتم علشان ربنا ميحبش ابدا اللي يفهم ولا ينفذ والرسول صلى الله عليه وسلم كمان أمرنا لما نعرف نلتزم

ربي يبارك فيكي يا قمري

مامة مازن يقول...

السلام عليكم ورحمة الله وبركاته
اشكرك ماما نور على الموضوع الجميل
ونسال الله سبحانه وتعالى ان ينفع به قارئه
وفعلا هناك اناس حياتهم هى الاحاديث والاقاويل عن فلانه واللى حصل واللى جرى عافانا الله واياكم

كلمات من نور يقول...

مامة مازن

وعليكي السلام ورحمة الله وبركاته

جزاكي الله كل خير عني وبارك الله فيكي

نعم هؤلاء الناس علينا ان نتحاشى الجلوس معهم حتى يعلموا أخطاؤهم و إن لم يعلموها فيكفينا أننا بعيدعنهم

ربي يعافينا أجمعين من هذا الداء

بوركتي يا فتاتي

norahaty يقول...

السلام عليكم ورحمة الله تعالى وبركاته
إن كان ماذكرتى عيباً(وهو ليس عيباً على الاطلاق فالعيب في من يراه عيبا)اقول فارجو ان كان من
عدم اغتياب الناس وعدم رؤية عيوبهم وعدم ذكرها
كل هذا ان كان عيبا فأرجو ان يكون بى وبنا جميعاً
وأن ننشغل بعيوبنا عن عيوب الناس .

ELMASRYA - MRS WRITER يقول...

حبيبتي ماما نور

أنا بقالي الحمد لله فترة بقاوم كل المحاولات من صديقاتي وقريباتي للغيبة والكلام اللي يودي النار ده

وكمان بحاول ألفت نظرهم إن ده خطأ واللي يزعل يزعل

واللي هيقولوا عليا معقدة هشكرهم فأهلا بهذا الوصف إن كان سيحميني من حر نار جهنم وعذابها

إدعيلي يا ماما نور ربنا يثبتني ويتقبل مني

دمتي سالمة بحفظ الرحمن

د. ياسر عمر عبد الفتاح يقول...

الغيبة
واحد من أكثر الذنوب المنتشرة
إن لم يكن أكثر الذنوب علي الإطلاق
ربنا يعافينا منه
ورينا كمان يغفر لكل الناس اللي وقعنا فيهم

(أم البنين) يقول...

والله حتى الكيبوردات كمان بقت بتغتاب وتنم
ورسائل الموبايل
ربنا يستر
جزاك الله خيرا يا أختي

كلمات من نور يقول...

نور العزيزة

هي نعمة ولا أبالي بأراء المخطئين من حولي بل اعتزلهم فمن المستحيل أن أجلس في جلسة و أقول كفارة المجلس 987654321 مرة........... تسلميلي يارب ويسلملي كلامك الجميل

كلمات من نور يقول...

مصرية

ثبتك الله ويارب تستمري دوما على هذا الحال طالبة جنة الله

بارك الله فيكي

كلمات من نور يقول...

د.ياسر عمر عبد الفتاح

ربي يعافينا من هذه النقمة ويسامحنا إن أخطأنا

شكرا لمرورك

كلمات من نور يقول...

أم البنين العزيزة

انتي فين؟؟؟؟؟؟؟؟؟؟

ايوه ربنا يعافينا نقمة انتشرت بكل الوسائل

ربي يبعدنا عنها ويجعلنا اخوات في الله نشد بعضنا بعضا للخير

مجداوية يقول...

السلام عليكم

هو نفس ما اعاني في جلساتي مع الأقارب والتليفون ولكني وجدت الحل بأن أغلقت التليفون ولا أستخدمه ألا للضرورة القصوى وللتهنئة في المناسبات

ولا أطيل الجلوس في أى تجمع الا لدقائق

الأمر صعب التحكم فيه لأنه اصبح متفشيا في كل جلساتنا لكن التحكم في النفس أسهل

وما تفعليه هو الصواب فربنا يبارك فيكي

كلمات من نور يقول...

مجداوية

ربي يبارك فيكي فعلا هو جهاد نفس وربنا يقدرناويقوي نفوسنا وسط هذا اللغط والفتن

شكرا لمرورك الكريم

تأثير الفراشة يقول...

جزاك الله خيرا، ربنا يبارك فيكى و ينفع بيكى، و فعلا معك حق فى كل اللى قولتيه
ربنا يكفينا جميعا شر الغيبة و النميمة و البهتان

تحياتى لك و تقبلى مرورى

كلمات من نور يقول...

تأثير الفراشة

ياله من اسم رقيق رقة الفراشات

بارك الله في الجميع وجعلنا في خدمة دين الله تبارك وتعالى ودين حبيبه المصطفى

صلى الله عليه وسلم

وجزاك الله عني الخير الكثير

شكرا لمرورك

بدراوى يقول...

شكراً لتعليق حضرتك عندى فى تدوينة الثقافة المايعة
بس انا معترض على شىء واحد
أيهن أعظم عند الله ؟
ليس من حقنا الحكم الا على الظاهر
و نترك التقييم عند الله له وحده
فقط نرى ان المحتشمة هى افضل لنا نحن و لا نعرف قدرها عند الله
هذا ليس دفاعاً عن غير المحشتمات ،
و عند حضرتك حق فى كلامك الباقى
---
مع تحياتى

بدراوى يقول...

هو الموضوع ده أحياناً بيبقى لمجرد تقييم الشخص
لكن لما يبقى لمجرد الكلام عن الشخص فى الفاضية و المليانة بيبقى نقمة و نميمة
و للأسف ديه عادة متأصلة فى النساء بالذات
أكثر من الرجال لدرجة ان فيه صحف بتعمل قسم اسمه
نميمة الأسبوع
!!!
ربنا يرحمنا

كلمات من نور يقول...

الأستاذ بدراوي

والله احيانا العادة دي بتكون مؤسفة في الرجال كمان

أنا كنت ساعات لما اقعد وقت تمارين الأولاد في النادي

ألاقي بعض الرجال مجتمعين واللهع والله باقوم ابعد عن تجمعهم من الكلام والنميمة واتهامهم وخوضهم في أعراض الناس واللي كان بيؤلمني قوي إن الآذان يؤذن يقوموا يجروا يصلوا الجماعة

يا خبر داه انتم محتاجين تغسلوا أفواهكم دي مش بس 3 مرات لا 60 مرة بسبب الألفاظ البذيئة والحديث النابي الذي يذكر

شكرا لمرورك

كلمات من نور يقول...

اكيد يا أستاذ بدرواي أن الله الحكيم القدير يحكم بين عباده

ولكن صدقني لا أستطيع أن أهضم ما أراه أبدا من ملابس المحجبات في هذه الأيام

احنا المفروض ماشيين على مقولة رسول الله ،صلى الله عليه وسلم:عرفت فالزم

لو انا متدينة وصلتي بالله طيبة مستحيل أقبل على نفسي أنزل بحجاب مش حجاب و أنزل خصلة من شعري واطلع فردة حلق أو البس صندل؟

ربي يهدينا جميعا ويوفقنا لما يحب ويرضى

الست فرويد يقول...

النميمة فعل يمارس بشكل يومى ولحظى
وبيعتبر من مشهيات الحوار
وناس كتير متعرفش ذنبه العظيم
انا زمان كنت ممكن ااترك واحدة تنم قدامى واستغرب زيك من دقة ملاحظتها لكل حاجة
وممكن اعلق بكلمة ولا حاجة
بس صادفنى مرة فى التليفزيون داعية بيتكلم عن الغيبة
(ايحب احدكم ان ياكل لحم اخيه ميتا)

وتخيلت المنظر
وشعرت بغثيان رهيب
ومن يومها وبحاول بكل طاقتى ابعد عن جلسات النميمة لان كل مرة بستدعى المنظر واشعر بنفس الغيثان

ربنا يهدينا جمعيا
ويسترنا دنيا واخرة

تحياتى لكى

كلمات من نور يقول...

الست فرويد

فعلا شيء يصيب الغثيان والناس لاهية ولا تشعر ...حتى من تنصحينه يقللون من افعالهم و أقوالهم بإنها كلام عام!!!!!!!!!!!!!!!!!!!!!1

ربي يسترنا ويغفر لنا ما كان منا

شكرا لمرورك

ملكة في بيتي يقول...

جزاك الله خيرا

كلمات في الصميم

للاسف الغيبة والنميمة والكلام على الناس اصبحت داء عضال منتشر جدا

والقلة القليلة الي ربنا انعم عليها وجنبها العادة دي للاسف غالبا ما بيبقوا سلبيين

يعني لو المجلس في غيبة ونميمة يا اما يقعد على مضض ساكت ما بيتكلمش يا اما يمشي ويسيب المجلس

لكن قليل دا ما نلاقي حد دافع عن اخوه المسلم ونصح الحاضرين

جزاك الله خيرا

تحياتي

كلمات من نور يقول...

ملكة في بيتها

بارك الله فيكي

نعم أصبح الكثيرون إلا من رحم ربي يعملوا بمبدأ تغيير المنكر بقلبه وهو أضعف الإيمان

ليتنا نتغير ونعود جميعا لزمن رسول الله صلى الله عليه وسلم وصحابته ، غفر الله لنا ولكم ووفقنا جميعا لما يحب ويرضى

شكرا لمرورك وكلماتك الواعية

mimi يقول...

جزاكي الله كل الخير
يارب يتقبل صالح اعمالك
ويدخللك الجنة
أمين

كلمات من نور يقول...

ميمي

بارك الله فيكي وتقبل منا آجمعين
وجعل كل غايتنا وجه الله تعالى وعفوه ورضاه

شكرا لمرورك الطيب

hamada يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/group.php?gid=45202724108#/group.php?gid=78080770039

القمر الساهر يقول...

خالتينى افكر في حاجة

انا افتكران دايما كانوا يقلولي انتى ايه دة مش بنت زى البنات ازاى مش واخدة بالك فلانه كانت لابسه ايه

بدات احس انى غريبة فعلا وان دى حاجة غلط فيا ومش ناصحة زي باقي البنات

بس انتى قلتى كلمة جميلة قوي

ان دى نعمة فعلا

جزاك الله خيرا وهدانا الله وثبتنا