السبت، 10 يناير، 2009




حقا لاأدري كيف أبدأ فالموضوع تكرر هنا وهناك ولكن حقا ما نراه الآن يجعلنا نحزن حقا ...فمن قام بتصميمأزياء المحجبات الشابات اليوم يحتاج حقا للقصاص والجلد في ساحة عامة ...أرى فتياتيرتدين ملابس تشبه لقمصان النوم تلتصق بالجسد و تحتها بودي يلتصق أكثر و يصف و يشف تقسيم الذراع و ووووووووووو.. وأرى فتيات يرتدين تيشيرتات ستوماك ( أي والله ستوماك يا ناس ) وتحتها برضه بودي لون الجسم فتبقوا عايزين تقربوا تشدوها و تشوفوا الموضوع إيه؟ و بنطلونات لوو ويست ( وللي مش عارف لوو ويست يعني حجرها قصير) وتلاقيظهر البنت والعياذ بالله بيظهر طوال ما هي ماشيه.. والأجمل من كل داه البنطلون البرمودا ( البرمودا لمن لا يعلم رجعت موضه تاني للمحجبات المرة دي ) و تحت البرمودا بنطلون استريتش لميع...يا ربنا ..و لو تقوليلأي أم إزاي لابسه بنتك كده تقول كويس انها اتحجبت وأهو شوية شويةيا بنات عيب يا شابات إزاي كده؟ الحجاب مفروض لا يصف ولا يشف و حجابنا كده محتاج عفة وحياءأما بقى الطامة الكبرى فهو خروج الفيتات المحجبات في الشوارع يمسكن بأيدي الشباب ..و تقولي علاقة بريئة؟ علاقة أنا بريئة منها ورسول الله ، صلى الله عليه وسلم ، بريء منها... إزاي يا بنات حب إيهيا بنات ؟؟؟؟؟؟؟؟؟؟؟؟؟؟؟ والله نفسي البنات يردوا .....و لو حد مش مصدقني روحوا كده حديقة المريلاند بالقاهرة و انتوا تشوفوا العجبو نروح لبعيد ليه؟ أقسم بالله أنا كنت واقفه في إشارة مرور و لقيت سائق التاكسي بيقولي : شايفه المحجبه؟؟؟؟؟؟؟؟؟؟؟؟؟ وقال كلمتين حلوين و أنا بعبايتي و خماري رحت في الرجلين لأنه شتم المحجبات كلهم ..و لفيت أشوف السواق بيتكلم عن إيه والاقي تكعيبة كده عالرصيف في الشارع شكلها موقف أتوبيس والله مش عارفه وقاعد جواها رجل عجوز ، على رأي ما بيقولوا ( جالس فاغر فاه ) يعني فاتح بقه عالبحري مذهول بيتفرج عالكرسي اللي جنبه اتنين بيحبوا في بعض أمام البشر و الأمم و الأخت محجبةحقيقي كان نفسي أنزل من التاكسي أقولها يا أختي يا أختي إزاي كده؟؟؟؟؟؟؟؟؟ يا ناس الحجاب داه علامة على دينك و حبك لله ورسوله و إتباعك لتعاليمهم... يا بنات حقيقي إحنا بقينا نشوف الأذى في الشارع و مش عارفين نعمل إيه؟ ما أنا ممكن أقول كلمه و ألاقي الناس كلها حواليا و يا عيني لو أخدتلي قلمين والا شتمتين من الشاببجد حسيت إن إحنا محتاجين جماعة أمر بالمعروف ونهي عن منكر في بلادنا الجميلةفي العمرة لو شافوا ست ملامحها حلوة بيأمروها تغطي وجها درأا لفتنة المعتمرينوالله إبني صعبان عليا و أولادنا كلناإبني رمضان اللي فات رفض يروح الكلية و قال لأبوه يا بابا أنا صايم عايز تضيع صيامي؟ البنات مش عارف صايمه إزاي يا أمي ولابسين كده؟نقول إيه؟ يارب يهدي بناتنا و أولادنا و يقدرنا نقول كلمة تؤثر تصلح حالنا وحال الجميعولله الأمر من قبل ومن بعد
ساهم في نشر الموضوع و لك جزيل الشكر!



Digg Technorati del.icio.us Stumbleupon Reddit Facebook Twitter

احصل على هذه الإضافة

هناك 7 تعليقات:

(أم البنين) يقول...

جزاك الله خيرا أختي الكريم
والله إن الحجاب حجاب جوارح وسلوك وليس مجرد قماشة ولو فهمناه حق الفهم لعرفنا فضله وكيف هو نعمة من الله
تحياتي وتقديري أختي الكريمة
ومبارك مدونتك
أسأل الله أن يجعل كل حرف فيها في ميزان حسناتك
وفي إنتظار باقي مقالاتك كما عهدناك لنتعلم منك

(أم البنين) يقول...

بالنسبة للتعليق نضطر لوضع ارقام وحروف في كل مرة للتعليق

الأفضل الغاء الخاصية دي

من لوحة التحكم

setting >> comments >> Show word verification for comments?

قوم بوضع لا بدلا من نعم

نفس الشئ كان عندي ونبهتني له احد الاخوة جزاه الله خيرا

ام البنات يقول...

عارفه يا ماما نور
المشكله اللى بتحرق دمى الام اللى ماشيه منتقبه او لابسه عبايه وبنتها لابسه لثس يكسف وعريان
مش عارفه ازاى..يعنى لازم على الاقل ترفض خروجها معاها بالشكل ده
سبحان الله ناس كتيير بتاخد الدين من فوق الوش
على الماشى ربنا يسترها مع بناتنا يارب

حتى تشرق الشمس يقول...

السلام عليكم ورحمة الله وبركاتة
هوا اللى عامل فى بناتنا كدا هو التقليد الاعمى
وبدون فهم
اما بالنسبة للتصاميم فهى اكيد من صنع يهودى او امريكى
وعلى فكرة الحب مش عيب بس بين الازواج يعنى لو البنت دى كانت مع زوجها ولو حتى كان بيموت فيها هيبان علية وعليها بس باحترام وهيكونوا مثال جيد للحب العفيف لانة هيخاف عليها لانها شيلة اسمة زى ما بيقولوا
وعلى فكرة اليهود الصهاينة الملاعين ربنا يقل منهم ويخدهم خالص
كل سنة تقريبا بيعملوا احصائية على عدد المحجبات بس الحجاب الحقيقى مش اللى كدا وكدا
وعدد مصلين صلاة الجمعة وصلاة الفجر
وبيعملوا على الاحصائيات دى دراسات جامدة لية؟
علشا يعرفوا احنا هننتصر عليهم امتى
يعنى هما عارفين ان النصر هيجى لنا لما نرجع لديننا واحنا ولا هنا
دمتى بالف ود
اسفة على الاطالة بس انا كنت مفروسة

إمرأة ..وأفتخـر يقول...

أختي الفاضله ماما نور

واضح من بداية مدونتك ان مواضيعك كلها هتكون ذات قيمة كبيرة

أفادك الله ونفعنا بكل ماتكتبيه

موضوعك خطير جدا وللأسف الالتزام بموضوع الحجاب الشرعي غير منتشر الا في حدود

والمشكله ان فيه امهات ترفض ان بنتها تلتزم بالحجاب الشرعي أحسن ده يمنع جوازها

وتقول لبنتها بعدين بس لما تتجوزي

ربنا يهديهم ويهدي البنات المغيبات عن الالتزام بالشروط الواجب توفرها بحجابهم

كلمة كده احس من مافيش ونص العما ولا العما كله مش صحيحه وكمان بتتسبب ان كل حاجه في حياتنا تبقى نص نص

تعرفي يا ماما نور ان انا كمان مش راضيه عن حجابي

الشيطان بيحاربني وبحاربه واحيانا بنتصر عليه واحيانا هو بينتصر

في اوقات وخصوصا في الصيف بلبس حجاب على الموضه مش زي ماوصفتي بس يعني بنطلون وعليه بلوزه طويله او بودي وبلوزه واسعه طويله واحيانا احط ماكياج وبيرفيوم

واوقات تانيه تلاقيني لابسه الملحفه ومش حاطه لا عطر ولا ماكياج وببقى مرتاحه قوي اني نزلت من بيتي بالزي الاسلامي وقضيت مشواري من غير ما أغضب ربي

ادعيلي بالالتزام وبالانتصار على الشيطان الرجيم

و..تحياتي

أيوه صحيح نسيت اقولك اني صاحبتك اللي عندها 9 مدونات

موااااااااااااه ( يعني بوسه )

د. ياسر عمر عبد الفتاح يقول...

بعض البنات والله حجابهن بحتاج إلي حجاب
المشكلة إن إحداهن بتبقي لابسة بنطلون وبدي وطرحة قصيرة وإحتمال قصة من شعرها باينة
ومع ذلك عندها إعتقاد تام إنها محجبة , ولسوف تتفاجأ كثيراً يوم القيامة لو لم تجد لها بيتاً فى الجنة جزاءاً وفاقاً لصبرها على تعب الحجاب
والله المستعان
ربنا يهدي بنات وشباب الأمة

كلمات من نور يقول...

ربنا يهدي بناتنا ونسائنا للحجاب

ويهدي رجالنا ونسائنا وشبابنا للإسلام والإيمان والصلاح

شكرا د.ياسر