الجمعة، 2 نوفمبر، 2012

مذكرات معتمرة ج2



                                                              

                                                                          بسم الله الرحمن الرحيم
                                                                            
                                                                      عمرتي الأحد 31-7- 2011

                                                                         30 شعبان 1432



                  
                                                                                في المدينة المنورة

                                                                    =======  ======

* مطار اسكندرية صغير اوي ، كفايه عليه رحلات داخلية ومنادي يقول يلا شارم يلا غردقة

* الطيار محتاج يغيروه مسابش مطب لا ووقع قلوب المعتمرين حسيت إني محتاجه أشوف رخصة السواقه بتاعته بتاعة طيارة والا 127؟

* الكونديشن في الطيارة محتاج كونديشن ): مصر للطيران محتاجه كتيييير 

* وجبة طعام هزيلة بجد تحرج وتخلي لواحد يستنكر الحال ...حلقة خيار يا ناس؟؟؟؟؟



* الهبوط في مطار المدينة لمنورة .... درجة لحرارة بالخارج 44 درجة مئوية ..محدش يشتكي من حر اسكندرية بعد كده 

* في المطار وجدت علامة مكتوب عليها الجوازات Immigration ):

* اضع أقدامي على أرض جائها المصطفى صلى الله عليه وسلم من أكتر من 1430 سنة على ظهر ناقته واليوم أنا أتيتها على متن طائرة

* سأمشي في أماكن مشى فيها نبينا الهادي وزوجاته وصحابته ، رضي الله عنهم آجمعين ، يا طيبة ما أحلاكي يا مدينة نبينا

* قراءة السيرة النبوية و مشاهدة أفلام المدينة المنورة فيم مضى جعلت خيالي عنها رمالا وخياما و خيولا ونخيل وصحارى

* التاكسي في المدينة المنورة جعلني أقارنه بتاكسي اسكندرية و أسأل الله لنا التطور قريبا 


* الفندق يقع إلى جوار المسجد النبوي ، ألقيت بشنطي و حاجاتي و توضات و طارت أقدامي إلى هناك كي أصلي صلاة المغرب وكم بكيت و دعوت الله لعشرات من لأخوة والأخوات طلبوا مني الدعاء لهم وكتبت دعواتهم في كراسه كي لا أنسى من كثرتهم ، وكم تمنى ان تكون قبلت دعواهم وتحققت للجميع


* من شدة الزحام صليت في الباحة و فيها رأيت عجبا : أطفال بالباتيناج والسكوتر والعربات الريموت كونترول ... أطفال يقذفون بالأحذية في الهواء لتقع على من تقع عليه ... أم شابه وولدتها مع كل سجدة يقوموا بضرب اثنان من البناء على رؤوسهم كي يصمتوا لانهم يغيظون أخوهم لرضيع فيبكي وكانت النتيجة بكاء الثلاثه (: ....طفل هندي ربط زجاجة ماء بحبل وقام بتطويحها في الهواء و أصابت العديد وجعلني أحمد الله على هدوء أبنائي مقارنة به (:

* ما اجمل قراءة التشهد والصلاة والسلام على رسول الله صلى الله عليه وسلم  والجلوس في اماكن مشى فيها الرسول وجلس فيها وعاش لسنوات 

* امرأة تركية طلبت مني أن أسقيها و سعدها كي تتوضأ وهي تحادثني بالتركية معتقدة أنني تركيه و الكثيرون كانوا يعتبروني من الشيشان (:

* عند الخروج من أحد الأبواب بالفندق النبوي صدمت بوجود محل نسائي أجنبي يضع الملابس الداخلية في واجهة الحرم و حزنت كثيرا لهذا التناقض

* انتظرت بعد الفجر طويلا كي أدخل الروضة الشريفة ولكن بعض الأخوات المصريات نصحوني بعدم الدخول بحقيبة الوسط إذ حدثت سرقة لإحدى المصريات بالأمس قطعوا شنطة الوسط و اصابوا ظهرها بجرح كبير ومع دخول وفود المصريات أصابني الذهول من الزغاريد والصراخ والهجوم الذي قامت به لنساء المصريات رغم نصائح المطوعات بل جدوى... أين شركات السياحه و ين مشايخنا الأجلاء ؟؟؟؟؟؟؟؟؟؟؟
خرجت من المسجد باكية لعدم استطاعتي دخول الروضة ولكن ظل لساني يردد التشهد وشعرت بسكينة ملئت قلبي فسلامي وصلاتي وتحياتي وصلت للنبي حما بأمر ربي

* سألت إحدى المطوعات عن عمود التوبة _ سامح الله من حدثني وطلب مني الدعاء عنده _ وقالت لي باستنكار : انتي شيعيه؟ وحدثتني عنه وعن الخزعبلات الشيعية لخاصة به

* عند خروجي من لمسجد في إحدى لمرات صادفتني امرأة سورية طلبت مني الاتصل بابنتها لأنها لا تستطيع لوصول إليها في الزحام وبعدما عرفت مكانها ربتت على خدي وقالت : فك الله أسرك وكربك وهمك قولي آمين ....قلت لها آمين ولكي بالمثل وزياده ومشيت و أنا مذهولة من هذا الدعاء كيف عرفت هذه لمرة ما أنا به؟ وكيف أنه جلب لي راحة قلبيه ؟

* تعرفت في إحدى الأيام على عائلة جميلة سعودية و جلست إحداهن تداعبني وتطلب مني أن أجلس لأفطر معهن و أترك زوجي يفطر وحده في الفندق (: ولازالت هذه العائلة تتواصل معي على الموبايل بل إن إحداهن دعتني لقضء العمرة معهم هذا العام في رمضان (:

* ما أجمل الأحاسيس في المدينة المنورة : شعور بالسلام والهدوء النفسي 

* فاجئني زوجي بعد يومان بالمدينة برحلة إلى مكة بسيارة خاصة بعد منتصف الليل على أن نعود إلى المدينة بعد اداء العمرة مباشرة 
وكان السائق يمشي بسرعة 180 كم في الساعه وقمنا بأداء صلاة الفجر في مسجد على الطريق ودخلت إلى حمام صغير للوضوء و إذا بي أجد عيون كثيرة تطالعني : قطة أم وصغار كثيرون فشلت في عدهم (:



* منذ حوالي 27 سنة كنت أعيش في جدة وكان الطريق إلى مكة مليء بالجبال ولكن الآن اغلب الجبال الراسيات تحولت إلى أراض و بيوت وفنادق وتوسعات من أجل استقبال المعتمرين والحجيج

* وصلت إلى مكة المكرمة في السدسة والنصف صباحا وكان الجو محتمل الحرارة والطواف ميسر والحمدلله وأثناء الطواف أمسكت بي امرأة عراقية ضريرة لا تتحدث سوى بالتسبيح والتهليل ولا تدري من العربية الكثير وظلت تطوف معي وأنا لا أعلم هل انتهت أساسا من الطواف ام لا و في نهاية الطواف أجلستها إلى جوار ضابط أمن و انتظرت أن يجدها أحد وطمأني الضابط فتركتها كي أكمل عمرتي

* في السعي بين الصفا والمروة استأجرت عربة جرني فيها طفل في العاشرة أو أقل و شعرت معه بالضحك ولرعب و كأني في سباق عربات الرعب ...كان يقف بي عند الصفا ليقول في أقل من ثانيه : كبري يا خاله كبري وهوووب يجري بي فقلت له أن يتريث قليلا حتى أتمكن من التركيز في الدعء و تعارفت عليه وعرفت اسمه : ناصر وظل يداعبني ويضع على رأسي البرنيطة التي كنت أرتديها أثناء الطواف والتقطت معه صورة 

* خرجت من الحرم المكي بعد التاسعة وعدنا إلى طيبة عند صلاة الظهر 

* قابلت صديقاتي السعوديات وودعتهن وصليت الفجر معهن و اتفقنا على التواصل 

* انها ليلة الروضة لشريفة : ذهبت في الحادية عشر وطلبت من المطوعه أن تدعني أدخل مع مجموعة غير مجموعة المصريات ( سامحوني ) وبالفعل ذهبت مع مجموعة المغرب العربي والشام وابتسمت وأنا أتذكر مثل جدتي : إيه لم لشامي عالمغربي ...سبحان الله (:
ومن اللحظة الأولى تعرفت على صديقتي نايلة أو نائلة -من تونس - والتي حسبتني فتاة شابة وظلت تقرا معي الأدعية و كنا نجلس وتتحدث إلينا المطوعه عن الروضة ومكان القبر والمنبر والمسجد القديم ثم تصمت لنصلي القيام ثم نتحرك قليلا ونجلس مرات ومرات وحينما بدأت إحدى النساء بالتهليل بصوت عال نصحتها االمطوعه بهدوء أننا لا نرفع أصواتنا عند القبر ولا نكتب على الجدران بالماركر كما يحدث من الكثيرات اللاتي يكتب الدعاء ويسئلن النبي ان يدعو الله لهن !!!!!!

*لم تستخدم المطوعه الميكرفون حينما اقتربت من الروضة تأدبا وعند الوصول إلى الروضة جلست أسبح الله تعالى و أصلي و أقرأ القرآن و إلى جواري جلست نائلة كلما تقدمنا نمسك بأيدينا ويا ونتحرك وقلوبنا واجفة وعند الروضة اختلفت أحاسيسي ... أقف الآن في مكان كان بيتا لسيدنا محمد وزوجاته ...هنا قد يكون مشى و هنا قد يكون جلس إلى جوار صحابته ...بأمي أنت و أمي يا رسول الله 

* صليت ركعتان ووقفت بخشوع أناجي ربي و اسلم و أصلي على رسوله ودعوت الله للجميع وتوسلته أن يفك كرب الأمة في كل مكان ثم مشينا إلى الخارج وتعارفت مع نائلة وتبادلنا أرقام الموبايلات و الإيميلات كي نتواصل عند رجوعنا ... وقالت لي : والدك ينتظرك بالخارج؟ فضحكت كثيرا وقلت لها بل زوجي أبنائي في عمر أبناؤك ...فأخبرتني أن شكلي لا يوحي إلا بشابة صغيرة 
وافترقنا ونحن نسأل الله لقاءا قريبا في مدينة رسول الله أو مكة أو لقاء في مصر أو تونس .

* مشيت وحدي عائدة للفندق و إذ بي أرى شخصا ظللت أنا وهو غير مصدقين فهو صديق العمر لابني الكبير و بالطبع ضحكنا لان ابني الكبير كعادته نسى أن يقول له أننا في المدينة أو يذكر لي أن صديقة في طريقه للمدينة اليوم ... وتحدثنا قليلا و أقسم لي أنه كان حالا يحدث نفسه أنه سيرى مؤكدا أشخاصا يعرفهم ويعرفونه وبالفعل كان اللقاء و قلت له أنني بالفعل ريت ناس أعرفهم و رأيت وجوه تشبه إناسا يشبهون كثيرا أناسا أعرفهم أحياءا و امواتا

* انتظروني قريبا في الجزء الأخير عن مكة لمكرمة ثانية 





                                                                   

الأحد، 5 فبراير، 2012

واحنا بنقلب صور


وإحنا بنقلب صور



http://3.bp.blogspot.com/-gtHNMj77LY4/Ty6xZuQfCAI/AAAAAAAAByM/XwrpgxuTsT4/s1600/430519_3003459880041_1068666989_3068576_2020511629_n.jpg


http://1.bp.blogspot.com/-y5EbUcL3JM4/Ty6w0-Ota5I/AAAAAAAABwU/Rg8e9LV_D8E/s1600/166957_332516503447788_281226348576804_1042536_769087578_n.jpg
http://3.bp.blogspot.com/-XE3kWsyuAN8/Ty6w1tHUFGI/AAAAAAAABwc/Q1Zp-iOhvmI/s1600/369982_713043237_216775821_n.jpg




















حسيتوا ولا لسه
ولا من كتر الصور
ولا من كتر اللى ماتوا
ولا من كتر الاغاني والموضات
والتفاهه والكور
معدش يفرق عندنا
ان كنا شوفنا ولا لأ
كأن كل الدم دوت
حبر احمر فى الصور
كأن كاميرا مصورتش
وراها واحد قلبة موجوع وانفجر
عمال يصور طول حياته
واحنا بنقلب صور


http://1.bp.blogspot.com/-dNxMhuAJSiw/Ty6w2afCMgI/AAAAAAAABwk/mNY8OpDGooc/s1600/371633_100001256679052_580500568_n.jpg


دي صورة اخوك اللى انت عنه هتتسأل

http://3.bp.blogspot.com/-ghFrqTCToZ0/Ty6xdYS--4I/AAAAAAAAByU/f9y2_qhMOVU/s320/lo0hs.jpg
ودي صورة البنت اللى كانت زي نسمة القمر
حقيقة هي مش خيال
وليها ام وليها اب زي زيك
بس ليلها مش موسيقى بتتسمع ساعة السهر
ليلها المدافع والقنابل والأنين اللى بيعزف
مع النحيب صوت القهر


قلبي انفطر
وانتو ياع
الم محتاسين
مين المغني اللى هياخد اللقب
مين المغني اللى هيتسمى الملك
آ ه ه ياملك
سايبنا ليه ولحد امتى
شبابنا بقلوب من حجر
ما يحلهاش غير الاغانى والسمر
خلاص معدش حد حاسس بالصور
يبقى من كتر الصور
ولا من كتر السمر
وان قلت بيعدى الكلام
وميبقاليش غير الكلام
واعيش بقلب بيتحرق
والشعب بيكمل سفر
كأنة راضي بسكته
ده لأنه عايش فى الفقر
طيب ما الغني معدش بيحس الصور
وهى اصلا مش صور
ده اب والله اتحرق
ومعدش لاقى الارض تحتة بتسنده



ده ابن مات
الفرق بس انه مش ابنك


http://4.bp.blogspot.com/-Rph2-prcYdY/Ty6w35ZmoGI/AAAAAAAABws/4xzOiiCRY4g/s1600/397815_339948686036872_183818901649852_1041681_142300499_n.jpg
ودى ام برده لكن مش امك
ولسة عايشة زيي زيك

http://4.bp.blogspot.com/-g9Shw3_i6ms/Ty6xFtOfPeI/AAAAAAAABxU/Nb0gdcj5-TU/s1600/417807_10150512522707595_355246622594_9267798_828616994_n.jpg

شايفها وقفه فى الصور
وفى الحقيقة
هي برده ورا الصور
ولسة برده بتتحرق
ولسة رافعة الايد بتدعي على اللى سارق فرحة الناس كلها
ومعيش الشعب فى قلق
وبتدعي برده على اللى خان
وعلى اللى سابهم
وعلينا يمكن بس صوتها
مش بيطلع فى الصور
وهى اصلا مش صور









قلبي انفطر
والشعب لسه بيختلف
بين الحجاب والمسخره
معدش حد بيعترف
غير بالشطارة والقماره
وناس تحب الفهلوه
وناس تموت فى المنظره
يا شعب جبتونا لوره
شايفين صور متزينة
لعربية حلوه وبنت حلوه وفيلا حلوه
تحرك القلب فى شره
معدش حد بيفتكر أخرة حياته فى مقبره
عايشنها لحظة
وهى ايه مبقتش طالبه عكننه
انا شاب كول عايش حياتي
ما تقولش موت ومقبره
كانة سحر ومش حقيقه
بس حقة مدام محسش بالصور
ده شاب بارد
مش فى قلبة ذرة ايمان بربنا
ودى بنت برده فاكرة برده
زي ناس بتقول بنعرف ربنا
واللى عارف ربنا لازم يحس باي حاجه فى الزمن ده
مش كل حس بيبقى حب وصوت موسيقى
وطير بيضحك فى الشجر


مين اللى قال انى بحب
مدام بحبي بحب نفسي
ما دام بحس بكل حاجه فى عين حبيبي
بس مش حسه الصور
فوقى بقى
وفوق بقى ياللى انت قاعد
وكل يوم بيعدى عندك
مليون ايميل مليان صور


http://3.bp.blogspot.com/-c00dg5a2FFU/Ty6xXJJkPJI/AAAAAAAABx8/pJi0m4PklSs/s320/427247_359399664073332_208796022467031_1406776_1606413821_n.jpg


امتى هتحس الحقيقه
وامتى تؤمن بالقدر
العيشة مش وردى وامانى
وامنيات فى دمنا
ولا اتخلقنا عشان نعيش فى الدنيا نلهى نفسنا
ونقول بنسعد نفسنا
احنا اتخلقنا عشان نعاهد ربنا
على عهد يحفظ دمنا
جوه الصور
بره الصور
احنا اتخلقنا نُختبر

والدنيا اكبر مختبر
http://1.bp.blogspot.com/-QCQhMY_ucyE/Ty6xYW0SMHI/AAAAAAAAByE/U9c2A97MDwY/s1600/429586_371592019533878_100000492482669_1441418_1011933448_n.jpg

مين اللى عاوز كل حاجه فى دنيته
بس بعديها في صقر
ومين هيسعى فى دنيته
بصوت سلاح او صوت قلم
او اي صوت
ويحس ايه معنى الألم


http://4.bp.blogspot.com/-TIvUhnh0Y3M/Ty6wSXarNKI/AAAAAAAABwE/of5Sn09WYBg/s1600/49532_100001650352498_1375545281_n.jpg
ويوجعه لون الصور
انا اتوجعت بكلمتى
ونفسي اعمل اى حاجه
وناس كتير زيي حاسه بذنبها
وسعات تكلم نفسها
احنا اتخلقنا عشان نعيش
اشمعنا دول ما بيعشوش؟



احنا اتخلقنا عشان نغني؟
اشمعنى دول ملهمش وقت للغنا



احنا اتخلقنا عشان نشجع؟



عشان فى عز الفجر ننزل للفريق نستقبله

http://3.bp.blogspot.com/-xyOs88y7JpQ/Ty6w9byRwPI/AAAAAAAABw8/bjfLmRSiOXc/s320/405699_10150624373089467_590299466_10844311_47435429_n.jpg


والفجر يمكن كان بيدن
بس فجر ايه اللى هننزل
من بيوتنا بالآلف نستقبله
احنا اتخلقنا عشان نعيش ونجيب فلوس ونشتغل
نختار عروسة حلوه لينا ونجيب عيال وننشغل
ونعيش لحد ما يكبروا ويتجوزوا
وهكذا
ولحد ما يعدي العمر
ونشوف نتيجه عمرنا فى كشف مقياس العمل
وياترى ناجح زي عادتي فى دنيتي
ولا اتلهيت فى المختبر
...
...
يمكن غلط كل اللى كاتبه
يمكن بضيع وقتى فيه
ومش هيعمل اي حاجه اما اكتبه

http://2.bp.blogspot.com/-69S0yw1fa4g/Ty6xKGDyugI/AAAAAAAABxs/8tlPHavhdmg/s1600/424682_212887838806808_100002567809490_411100_358930551_n.jpg





يمكن يعدي علينا واحنا نقلبه
ويبقى لون زي الصور
اما اللى شاف مقدرش ينظر للصور
هيقرى كل اللى اتكتب من غير زهق
هيحس قلبي اللى اتحرق
هيقولى رأيه فى القصيده
وتعدي زي كلام كتير
عاش ومات جوه الورق
لو الى كاتبه مش هيتحس بوجع
مش هيقدر يتنفض
ويعدى جدران الورق
ويغير الدنيا اللى باظت
ويهز دمعة كل واحد
ياخد قراره انه يغير فكرته
ويعيش لحاجه لأخرته
وينسي لحظة دنيته
يعيش يجاهد اي حاجه
اي ذنب معدش قادر يبعده
ما هو اي واحد يرمي نفسه لأي نظرة
واي شهوه
واي غنوه
واي واحد رامي نفسة فى نار سجاره
واي واحد نفسه يبعد ذنب عنه
بس حاسس قد ايه الضعف ماسكه
يبقى مش قادر يجاهد
وجهادنا فى زمانا انهجر




كانة مكتوب عـ للى عايش
وصت البنادق والمدافع
ما هو برده مكتوب علـ القلوب وصت الذنوب
اللى اتملت على العيون وعلى المسامع مننا
يا نعيش نجاهد نفسنا
يا نعيش نغني لبعضنا
ونعيش ننعنش قلبنا
انا مش غلط طول ما الصور دي
وراها ناس بتتقتل




وناس هنا من اي حاجه بتتسطل



سعات بقول اشمعنى انا
بنط جوه الصورة ديه
واشيلة طفل فى وسط دمه




اشيله زي الاب دوة واجري بيه
اشمعنى حاسس قهرته
اشمعنى بقعد زي دول وابكي برده زييهم



http://3.bp.blogspot.com/-hM7JrbjxwDk/Ty6w8kbHR2I/AAAAAAAABw0/xBI2R1uD_4E/s320/401233_336165419757296_104543089586198_985875_1097221053_n.jpg




وكانى شايف دمهم
اشمعنى انا
وناس كتير عايشة الحياة مستمتعه
والصوره بتعدي فى ثواني
زي صوره لأي لوحه فى سكته
يا قسوته
ده الدنيا هتعدي في ثواني
زي كل شخص عدى الصورة ديه
ومش هيبقى الا اللى عمله
والى حسه وحسته
حسيتوا طيب ولا لسه
ولا من كتر الصور
ولا من كتر اللى ماتوا
ولا من كتر الاغاني والموضات
والتفاهه والكور
معدش يفرق عندنا
ان كنا شوفنا ولا لأ




وكأن كل الدم دوت
حبر أحمر فى الصور
كأن كاميرا مصورتش
وراها واحد قلبة موجوع وانفجر
عمال يصور طول حياته
واحنا بنقلب صور






 منقول 




الكلمات منقوله


ووضعت الصور حسب الكلمات



الاثنين، 15 أغسطس، 2011

مذكرات معتمرة :ج1


بسم الله الرحمن الرحيم

الأخوة والأخوات

سلام الله عليكم ورحمته وبركاته

رمضانكم طيب إن شاء الله


*******

قال تعالى


{إِنَّ الصَّفَا وَالْمَرْوَةَ مِن شَعَآئِرِ اللّهِ فَمَنْ حَجَّ الْبَيْتَ أَوِ اعْتَمَرَ فَلاَ جُنَاحَ عَلَيْهِ أَن يَطَّوَّفَ

 بِهِمَا وَمَن تَطَوَّعَ خَيْرًا فَإِنَّ اللّهَ شَاكِرٌ عَلِيمٌ}. البقرة:158




وقال رسوله المصطفى 


 "صلاة في مسجدي هذا أفضل من الف صــــلاه

فيما سواه


 الا المسجد الحرام ,وصلاة في المسجد الحرام أفضل 

من صـــــــلاة
في مسجدي هذا بمائة مرة " رواه احمد وابن حبان باسناد صحيح



**********************





بعد غياب طويل عن مدوناتي الحبيبات

عدت لكم وفي جعبتي الكثير عن 

عشر أيام قضيتهم في المدينة والمنورة 

وفي مكة المكرمة


انتظروني قريبا